Siońnia ŭ Minsku kala HUMa aktyvisty Abjadnanaj hramadzianskaj partyi praviali pikiet pamiaci źnikłaha palityka Viktara Hančara i jaho siabra Anatola Krasoŭskaha.
U pikiecie ŭdzielničali niekalki dziasiatkaŭ čałaviek.
Vital Rymašeŭski taksama ŭdzielničaŭ u akcyi.
Šmat ludziej padychodzili, čytali listoŭki, ale chutka sychodzili. Na Anatola Labiedźku byŭ składzieny pratakoł ab parušeńni praviadzieńnia masavych mierapryjemstvaŭ. Padrabiaznaści hladzicie ŭ videa:
Cikava toje, što pratakoł składaŭ toj samy milicyjant, što i na pikiecie «Za svabodnyja vybary».
Paśla składańnia pratakołu milicyjant zajšoŭ u dvor, dzie stajaŭ bus i mašyna sa zvyčajnymi numarami. Milicyjant sieŭ u lehkavoje aŭto, paśla da mašyny padyjšli i asoby ŭ cyvilnym.
Žoŭty bus — dla spartova apranutych chłapcoŭ, lehkavy aŭtamabil — dla ich kiraŭnikoŭ.
