Rasijskija prankiery Uładzimir Krasnoŭ i Alaksiej Stalaroŭ, viadomyja jak Vavan i Leksus, vykazali hatoŭnaść paprasić prabačeńnia ŭ brytanskaha śpievaka Ełtana Džona, jakomu jany, pa ich słovach, patelefanavali ad imia rasijskaha prezidenta Uładzimira Pucina.
Prankier Vavan
«Tak, majem takija płany», — skazaŭ Stalaroŭ, adkazvajučy na pytańnie Bi-bi-si, ci hatovyja jany z Krasnovym paprasić prabačeńnia pierad śpievakom.
Raniej prynieści Ełtanu Džonu prabačeńni prankieram parekamiendavaŭ pres-sakratar rasijskaha prezidenta Dźmitryj Piaskoŭ. «Jon dastatkova pavažany i lubimy ŭ nas vykanaŭca», — cytuje słovy Piaskova ahienctva RBK.
Paviedamleńnie ab razmovie Ełtana Džona z Pucinym było apublikavana ŭ «Instahramie» śpievaka 14 vieraśnia.
Muzykant padziakavaŭ prezidentu za zvanok i vykazaŭ nadzieju na chutkuju asabistuju sustreču, na jakoj jon spadziajecca abmierkavać z Pucinym pravy hamaseksuałaŭ u Rasii.
Dźmitryj Piaskoŭ paźniej abvierh infarmacyju ab telefonnaj razmovie.
Čytajcie taksama: