uefa.com
U matčy pieršaha tura hrupavoha etapu Lihi čempijonaŭ suprać niamieckaha «Bajera» 16 vieraśnia Alaksandr Hleb atrymaŭ traŭmu, paviedamiŭ hałoŭny trenier BATE Alaksandr Jermakovič na pres-kanfierencyi paśla zakančeńnia sustrečy.
«U Sašy myšačnaje paškodžańnie, jakoje nie dazvoliła jamu dahulać matč. Nakolki jano surjoznaje, my daviedajemsia paśla dyjahnostyki. Zrazumieła, što traŭma niepryjemnaja», — skazaŭ Jermakovič.
Jak paviedamiŭ pres-ataše BATE Siarhiej Daškievič, vyniki miedycynskaha abśledavańnia Hleba buduć viadomyja ŭ chutkim časie.
Hleb byŭ zamienieny na 30-j chvilinie pieršaha tajma pry liku 1:1 (Miłunavič, 13 — Miechmiedzi, 4). «Bajer» atrymaŭ bujnuju pieramohu — 4:1, zabiŭšy ŭ druhim tajmie try miačy (Chakan Čžałchanału, 47, 76, ź pienalci, Ernandes, 59).
«Pierš za ŭsio my šmat pamylalisia, — zaznačyŭ Jermakovič. — Praŭda, da hetych pamyłak nas prymušaŭ sapiernik svajoj ščylnaj hulnioj. My da takoha nacisku ź jaho boku, na žal, byli nie hatovyja. Da taho ž nam zusim nie ŭdaŭsia pierachod z abarony ŭ ataku. Pry sprobach kontratakavać «Bajer» nas nakryvaŭ i arhanizoŭvaŭ vostryja «aborotki». Nam chaciełasia b zhulać bolš adkazna pry arhanizacyi kontrataki i prynamsi pry stracie miača nie dazvalać haspadaram davodzić spravu da pahroz našym varotam».
