Rabota pa ŭstaranieńni abmiežavalnych barjeraŭ u Jeŭrazijskim ekanamičnym sajuzie (JEAES) idzie mlava. Takoje mierkavańnie vykazaŭ siońnia žurnalistam u Sočy staršynia Savieta Respubliki Michaił Miaśnikovič.
Adnu z pryčyn isnujučaha stanu spraŭ Michaił Miaśnikovič źviazvaje z adsutnaściu parłamienckaha vymiareńnia jeŭrazijskaj intehracyi. «Vialikija nadziei my źviazvajem z aktyvizacyjaj raboty ŭ hetym napramku z boku Jeŭrazijskaj ekanamičnaj kamisii, — skazaŭ jon. — Sihnałaŭ aktyŭnaj, naporystaj raboty pakul niama».
Pavodle słoŭ Michaiła Miaśnikoviča, najaŭnaść raznastajnych barjeraŭ i abmiežavańniaŭ u ramkach JEAES strymlivaje raźvićcio handlu jak na ŭsioj jeŭrazijskaj prastory, tak i pamiž Biełaruśsiu i Rasijaj. «Čakańni, jakija byli ŭ suviazi sa stvareńniem JEAES, nielha devalvavać», — padkreśliŭ śpikier Savieta Respubliki.
Ustaranić usie barjery ŭ JEAES možna na praciahu hoda-paŭtara, adznačyŭ Michaił Miaśnikovič.
Siońnia ŭ Sočy adkryŭsia II Forum Biełarusi i Rasii, jon pradoŭžyć svaju rabotu pa 18 vieraśnia. U plenarnym pasiadžeńni forumu prymuć udzieł amal 350 pradstaŭnikoŭ zakanadaŭčaj i vykanaŭčaj halin ułady dźviuch krain, rehijonaŭ, kiraŭniki pramysłovych pradpryjemstvaŭ i biźnies-supolnaściej Biełarusi i Rasii.
