U hałoŭnaha redaktara rasijskaha nacyjanalistyčnaha vydańnia «Sputnik i pohrom» Jahora Praśvirnina pačaŭsia pieratrus. Pra heta sam Praśvirnin paviedamiŭ u sacyjalnych sietkach.
Pavodle jaho słoŭ, pravierka viadziecca pa artykule kryminalnaha kodeksa «raspalvańnie nianaviści albo varožaści, a roŭna źnievažeńnie čałaviečaj hodnaści». Artykuł 282 KK RF praduhledžvaje štraf da 500 tysiač rubloŭ, pazbaŭleńnie prava zajmacca peŭnaj dziejnaściu na termin da piaci hadoŭ, abaviazkovyja abo papraŭčyja raboty, a taksama pazbaŭleńnie voli na termin da piaci hadoŭ.
Pa słovach advakata Maćvieja Czena, śledčyja zabirajuć ŭsiu elektronnuju techniku i nośbity infarmacyi.
«Sprava tyčycca tekstu z nazvaj «Za što my staim, čaho budzie i čaho nie budzie», — dadaŭ Czen. Hety tekst užo vydaleny z sajta «Sputnik i pohrom», adnak kopija staronki zachavałasia ŭ kešy pošukavika Google.
U tekście, u pryvatnaści, aŭtar razvažaje na temu mahčymaj anieksii Rasijaj terytoryj niekatorych susiednich krain.
«Častkaj stvareńnia ruskaj nacyjanalnaj dziaržavy źjaŭlajecca viartańnie Navarosii, Małarosii, Biełarusii i Paŭdniovaj Sibiry (t.zv. «Paŭnočny Kazachstan»), dzie da hetaha času pražyvajuć dziasiatki miljonaŭ ruskich ludziej», — śćviardžaŭ Jahor Praśvirnin i tłumačyŭ: «T.n. «Ukraina», «Biełarusija» i «Kazachstan» (štučnyja dziaržaŭnyja ŭtvareńni, stvoranyja balšavikami) źjaŭlajucca čužymi nacyjanalnymi dziaržavami, jakija realizujuć čužyja nacyjanalnyja prajekty, i rana ci pozna tyja, što zastalisia ŭ ich, ruskija buduć asimilavanyja ŭ čužyja nacyi».
Sajt newsru.com udakładniaje, što sam advakat Praśvirnina źjaŭlajecca členam Nacyjanalna-demakratyčnaj partyi, paviedamlajecca na aficyjnym sajcie NDP. Jon taksama źjaŭlaŭsia advakatam nacyjanalista Maksima Marcinkieviča, bolš viadomaha pa mianušcy Ciasak.
«Sputnik i pohrom» byŭ stvorany ŭ 2012 hodzie — tady jon isnavaŭ u formie supołki ŭ sacyjalnaj sietcy UKantakcie, a paźniej staŭ samastojnym sajtam z nacyjanalistyčnymi tekstami.
Čytajcie taksama:
Akupavać Biełaruś u bližejšyja hod-dva zaklikaje sajt rasiejskich šavinistaŭ
