tass.ru
Jeŭrapiejski sajuz rychtujecca prypynić sankcyi, uviedzienyja ŭ dačynieńni da kiraŭnika Biełarusi Alaksandra Łukašenki. Pra heta paviedamiła 17 vieraśnia ahienctva Reuters.
U sile zastaniecca embarha na pastaŭku zbroi ŭ Biełaruś, a taksama sankcyi ŭ dačynieńni da čatyroch słužbovych asob, jakija, na dumku ES, datyčnyja da źniknieńniaŭ palitykaŭ, adznačaje Reuters. Havorka idzie pra Uładzimira Navumava, Viktara Šejmana, Juryja Sivakova i Dźmitryja Paŭličenku.
U dačynieńni da Alaksandra Łukašenki razhladajecca mahčymaść źniaćcia vizavych abmiežavańniaŭ i razmarožvańnia aktyvaŭ na Zachadzie.
«Farmalnaje rašeńnie moža być pryniata na nastupnym tydni na sustrečy jeŭrapiejskich dypłamataŭ. Jano moža ŭklučać u siabie aficyjnaje padaŭžeńnie sankcyj, jakija zakančvajucca 31 kastryčnika, ale prypynieńnie ich dziejańnia na hod, skazali krynicy, jakija viedajuć pra chod dyskusij u arhanizacyi», — piša Reuters.
Ahienctva adznačaje, što niekatoryja dypłamaty schilajucca pačakać da 11 kastryčnika, kali ŭ Biełarusi projduć vybary.
Inšy ŭdzielnik dyskusij na ŭmovach ananimnaści skazaŭ: «My chočam adreahavać ŭ dačynieńni da tych, chto zrabiŭ mahčymym vyzvaleńnie palitviaźniaŭ, heta było adnym z našych klučavych patrabavańniaŭ». Reuters tłumačyć, što havorka moža iści pra samoha Alaksandra Łukašenku, sudździaŭ i «palitykaŭ, blizkich da prezidenta».
Taksama paviedamlajecca, što hetaje pytańnie abmiarkoŭvałasia na niefarmalnym samicie kiraŭnikoŭ MZS Jeŭrasajuza ŭ Luksiemburhu ŭ pačatku vieraśnia.
«Płany taksama ŭklučajuć źniaćcie sankcyj z 25 biełaruskich kampanij, jakija ciapier znachodziacca pad abmiežavańniami, z tym, kab jany zmahli pretendavać na finansavańnie Jeŭrapiejskaha inviestycyjnaha banka», — paviedamlaje ahienctva.
Taksama moža być razhledžana źniaćcie pieraškod, jakija błakujuć atrymańnie techničnaj dapamohi Jeŭrasajuza i vychad Biełarusi na jeŭrapiejskija rynki zapazyčańniaŭ, u pryvatnaści, patrabavańnie ab strachavańni ekspartnych kredytaŭ.
«Heta budzie značyć, što Rasija pierastaje być adzinaj krynicaj finansavańnia dla Biełarusi», — adznačyŭ inšy surazmoŭca.
Adnak adna kampanija, ekspart vajennaha abstalavańnia «Biełtechekspart», chutčej za ŭsio, zastaniecca pad sankcyjami.
Ofis Viarchoŭnaha kamisara ES pa źniešniaj palitycy Fiederyki Mahieryni nie staŭ kamientavać pytańnie źniaćcia sankcyj.
Reuters paviedamlaje, što techničnyja detali rašeńnia jašče abmiarkoŭvajucca, u pryvatnaści ci budzie pasłableńnie sankcyj skaardynavana z ZŠA, jakija ŭviali takija ž abmiežavalnyja miery.
«Niekatoryja členy ES chočuć «zvarotny» miechanizm, jak i ŭ pahadnieńni Zachadu ź Iranam, kali novyja parušeńni pravoŭ čałavieka pryviaduć da nieadkładnaha paŭtornaha ŭviadzieńnia sankcyj», — adznačaje ahienctva.
«My ŭžo byli ŭ hetaj situacyi raniej», — skazaŭ adzin vysokapastaŭleny jeŭrapiejski dypłamat.
«My pavinny praciahvać cisk na Łukašenku dla palapšeńnia situacyi z pravami čałavieka, ale my nie pavinny čakać mnohaha. Ja nie ŭpeŭnieny, što jon apošni dyktatar u Jeŭropie — jon sapraŭdy, nie najbujniejšy», — skazaŭ dypłamat, majučy na ŭvazie prezidenta Rasii.
Nahadajem, adrazu paśla vyzvaleńnia šaściarych palitviaźniaŭ, uklučajučy eks-kandydata ŭ prezidenty Mikałaja Statkieviča, kiraŭniki MZS Litvy i Łatvii zaklikali pierahledzieć sankcyi suprać Biełarusi.
Čorny śpis byŭ sfarmavany paśla prezidenckich vybaraŭ 2006 hoda ŭ suviazi z «šmatlikimi parušeńniami pravoŭ čałavieka». Vosieńniu 2008 hoda ES prypyniŭ dziejańnie hetych sankcyj, matyvujučy heta rašeńnie vyzvaleńniem palitviaźniaŭ i palapšeńniem situacyi z pravami čałavieka ŭ Biełarusi. Dziejańnie sankcyj u dačynieńni da Biełarusi Jeŭrasajuz adnaviŭ paśla razhonu demanstracyi 19 śniežnia 2010 hoda, kali dziasiatki tysiač čałaviek vyjšli na vulicy Minska ŭ znak pratestu suprać aficyjnych vynikaŭ prezidenckich vybaraŭ.
Z tych časoŭ sankcyi štohod padaŭžalisia, čorny śpis pieryjadyčna pieražyvaŭ źmieny. Apošnija ź ich adbylisia 13 i 31 lipienia 2015 hoda. Na siońnia ŭ čornym śpisie 175 čałaviek i 14 jurydyčnych asob.
