fota Alaksandra Vasiukoviča, Tut.by
Vizavyja centry mohuć pačać pryjom dakumientaŭ ŭ paniadziełak, 21 vieraśnia. Ale skazać adnaznačna pra heta nie mohuć. Tyja, chto źbiraŭsia padavacca praź ich na vizu, ciapier vymušanyja źviartacca ŭ pasolstvy. U suviazi z hetym u konsulstvie Litvy, naprykład, pavialičyli mahčymaści pa razhladzie chadajnictvaŭ u dva razy.
— Aryjentujem ludziej na paniadziełak, ale ci pačniom pryjom, nie viedajem. Siońnia prychodziać ludzi pa hatovyja dakumienty, — tłumačać u ofisie vizavych centraŭ Litvy, Ispanii, Danii i Hrecyi ŭ Minsku na vulicy Čyhunačnaj, 33.
U pasolstvie Litvy ŭ Biełarusi adznačajuć, što jak tolki ich vizavy centr pierabuduje pracu i pačnie prymać konsulski zbor u biełaruskich rublach, a nie ŭ jeŭra, jany zapracujuć paŭnavartasna. Pry hetym pasolstva budzie prymać zbor ŭ pasiarednika tolki ŭ jeŭra.
—Jany (pradstaŭniki vizavych centraŭ) kansultujucca z Nacbankam i inšymi instancyjami ab tym, jakija jość opcyi, kab nam pierakładać zbor, - tłumačać u pasolstvie.
Kali pytańnie vyrašycca, nieviadoma.
— Kažuć, što pačnuć pryjom dakumientaŭ na płatnyja vizy ŭ bližejšyja dni. Jany (vizavyja centry) zacikaŭleny ŭ tym, kab vyrašyć pytańnie i nie trymać supracoŭnikaŭ biez pracy, — kamientujuć u pasolstvie Litvy.
U suviazi z tym, što ŭčora, 16 vieraśnia, vizavyja centry pa ŭsioj krainie spynili pryjom dakumientaŭ na płatnyja vizy, u pasolstvie Litvy ŭ Minsku pavialičyli mahčymaści pa pryjomie dakumientaŭ u dva razy. Kali raniej jany štodnia prymali bolš za 100 chadajnictvaŭ u dzień, to ciapier buduć kala 300.
Na pracy turfirmaŭ, jakija adkryvali vizy klijentam praź vizavyja centry, heta nijak nie adbiłasia.
