Ułady Ukrainy zabaranili ŭjezd u krainu byłomu premjer-ministru Italii Silvia Bierłuskoni.
Jak paviedamili ŭ Słužbie biaśpieki Ukrainy, Bierłuskoni zabaroniena naviedvać krainu na praciahu troch hadoŭ. Takoje rašeńnie pryniata ŭ intaresach nacyjanalnaj biaśpieki Ukrainy, padkreślili ŭ viedamstvie.
Na minułym tydni Bierłuskoni naviedaŭ Krym. Padčas pryvatnaha vizitu na paŭvostraŭ jon sustreŭsia z rasijskim prezidentam Uładzimiram Pucinym, ź jakim padtrymlivaje siabroŭskija adnosiny.
Pry hetym ukrainskija zakony zabaraniajuć zamiežnikam naviedvać Krym biez aficyjnaha dazvołu Kijeva. bo paŭvostraŭ ličycca ŭ krainie časova akupavanaj terytoryjaj. Ukrainskaje MZS rezka asudziła dziejańni byłoha italjanskaha premjera.
