Staršynia Centrvybarkama Lidzija Jarmošyna, vystupajučy 17 vieraśnia ŭ Akademii kiravańnia pry prezidencie, zaklikała studentaŭ padtrymać vybary i pryjści na vybarčyja ŭčastki.
«Dziaržaŭny słužačy — heta najpierš asoba, łajalnaja da dziaržavy. Tamu, kali vy budziecie razvažać, iści vam na vybarčy ŭčastak ci, moža być, praihnaravać heta mierapryjemstva, vy pavinny pamiatać pra heta», — skazała Jarmošyna.
Pavodle mierkavańnia staršyni CVK, «havaryć pra poŭnuju i ŭsiopahłynalnuju svabodu čałavieku, jaki vybraŭ dziaržaŭnuju słužbu, nie davodzicca». «Vy ŭžo źviazanyja abaviazacielstvami ź dziaržavaj i, takim čynam, kali vy vučyciesia na biudžetnyja srodki, vy pavinny padtrymlivać usio toje, na što hetyja biudžetnyja srodki traciacca, u tym liku i vybary», — ličyć Jarmošyna.
Jana zaŭvažyła, što na vybary tracicca «niemaleńkaja suma»: 181 młrd. rubloŭ — na pieršy tur i 260 młrd. rubloŭ — kali vybary projduć u dva tury.
«Tamu kab srodki nie byli patračanyja daremna, i kab vybary ŭ nas adbylisia, vy ŭsie pavinny padumać pra svaju adkaznaść jak ciapierašnija vybarščyki i jak budučyja dziaržaŭnyja čynoŭniki. Tamu što, jak by ni źmianiałasia ŭłada i jak by ni śćviardžała novaja kamanda, što jana pryjdzie i źmienić usich čynoŭnikaŭ i nabiare novych, my ŭsie dobra razumiejem, što heta čystaj vady papulizm», — zajaviła kiraŭnik CVK.
U svaju čarhu rektar Akademii kiraŭnik Marat Žylinski zaklikaŭ studentaŭ addać svoj hołas «za budučyniu, za niezaležnaść, za Biełaruś».
