Paśla dvuchdzionnaha pierapynku vizavyja centry Litvy, Ispanii, Hrecyi, Danii, Charvatyi i Vienhryi pa ŭsioj Biełarusi adnoviać rabotu ŭ piatnicu z 9 ranicy. Konsulski i servisny zbor ad klijentaŭ jany buduć prymać tolki ŭ biełaruskich rublach, a nie ŭ valucie, jak heta było raniej.

fota Alaksandra Vasiukoviča, Tut.by

fota Alaksandra Vasiukoviča, Tut.by

Ceńnik na svaje pasłuhi vizavyja centry kampanii VFS Global pa-raniejšamu vystaŭlajuć u valucie, ale ciapier pieraličvajuć jaho ŭ rubli: konsulski zbor — pa kursie BSB Banka, servisny — pa kursie Nacbanka na dzień padačy dakumientaŭ.

Košt pasłuh vizavych centraŭ VFS Global dla hramadzian Biełarusi

Kraina Konsulski zbor Vizavy zbor
Litva 60 jeŭra 20 jeŭra
Ispanija 4 150 rasijskich rubloŭ 28 jeŭra
Hrecyja 4 500 rasijskich rubloŭ 28 jeŭra
Danija 4 000 rasijskich rubloŭ 37 jeŭra
Charvatyja 60 jeŭra 35 jeŭra
Vienhryja 60 jeŭra 22 jeŭra

Vizavy centr Łatvii kampanii «Poni Ekspres» pa-raniejšamu nie pracuje.

U sieradu, 16 vieraśnia, vizavyja centry pa ŭsioj krainie spynili pryjom dakumientaŭ ad klijentaŭ i časova prypynili pracu. Pryčyna — u novych praviłach praviadzieńnia valutnych apieracyj, pryniatych Nacbankam. Dakumient zabaraniŭ pasiarednikam brać z klijentaŭ konsulski zbor u jeŭra abo ŭ dołarach, jak heta było raniej, i abaviazaŭ pravodzić usie raźliki tolki ŭ biełaruskich rublach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?