Viarchoŭnaja Rada dała zhodu na pryciahnieńnie da kryminalnaj adkaznaści i aryšt narodnaha deputata Ihara Masijčuka.
Za takoje rašeńnie prahałasavali 262 deputaty.
Pierad hetym u Radzie vystupiŭ hienieralny prakuror Viktar Šokin.
«Hienieralnaj prakuraturaj rasśledujecca kryminalnaja sprava pa fakcie ździajśnieńnia ciažkich i asabliva ciažkich złačynstvaŭ adnym z narodnych deputataŭ», — skazaŭ Šokin.
Dalej jon prademanstravaŭ videa, na jakim narodny deputat Ihar Masijčuk nibyta patrabuje chabaru za roznyja «pasłuhi».
Tak, na adnym z epizodaŭ videa Masijčuk abiacaje inšaj asobie sadziejničańnie ŭ zdabyčy na karjery i nazyvaje sumu ŭ pamiery 100 000 hryŭniaŭ.
«Pa karjery — dla atrymańnia licenzii minimum 100 000 hryŭniaŭ treba ŭnieści plus dziaržpłaciež», — kaža na videa Masijčuk.
«Ja ciabie abaraniu ź milicyjaj, z SBU. Z prakuraturaj nie abaraniu ciabie pakul», — kaža na videa narodny deputat.
Masijčuk naležyć da Radykalnaj partyi papulista Laško.
Padčas vystupu Šokina ŭ Radzie Masijčuk i lidar frakcyi Radykalnaj partyi Aleh Laško siadzieli z sumnymi vyrazami tvaraŭ.
Paśla demanstracyi videa śpikier Rady Hrojsman pastaviŭ na hałasavańnie ŭklučeńnie ŭ paradak dnia pastanovy ab aryšcie i pryciahnieńni da kryminalnaj adkaznaści Mosijčuka. «Za» prahałasavali 289 narodnych deputataŭ. Zatym parłamientaryi pryniali i samu pastanovu pra źniaćcie niedatykalnaści i aryšt.
