Na praciahu dnia apieratyŭnyja supracoŭniki kryminalnaha vyšuku Frunzienskaha RUUS Minska raskryli žorstkaje zabojstva 34-hadovaha elektryka haražna-budaŭničaha kaapieratyvu, učynienaje ŭ jaho ž haražy.
Jak paviedamlaje HUUS Minharvykankama, pryblizna ŭ 9.00 13 vieraśnia ŭ Frunzienskaje RUUS pastupiła paviedamleńnie pra toje, što ŭ adnym z haražoŭ pa vulicy Mantažnikaŭ znojdzieny trup jaho haspadara sa šmatlikimi ŭdarami hałavy. Supracoŭnikam milicyi, jakija prybyli na miesca złačynstva, žonka zabitaha raskazała, što napiaredadni jany z mužam adpačyvali na pryrodzie ŭ kampanii znajomych. Viarnulisia dadomu pozna. Žonka pajšła ŭ kvateru, a mužčyna zastaŭsia na vulicy hulać z sabakam. Praz hadzinu haspadynia zabrała žyviolinu dadomu, a muž zastaŭsia na vulicy raśpivać śpirtnoje z vypadkovymi znajomymi kala padjezda. Bolš jana jaho nie bačyła.
Apieratyŭniki ŭstanavili, što pamiž vypivochami na łaŭcy ŭźnikła svarka, paciarpieły pabiŭsia z adnym z maładych ludziej. Kanflikt byŭ chutka likvidavany, i adpačynak sa śpirtnym praciahnuŭsia. Zatym usie troje pierajšli ŭ haraž mužčyny, dzie byŭ ałkahol.
U haražy adzin z haściej vyrašyŭ adpomścić haspadaru za naniasieńnie cialesnych paškodžańniaŭ jaho siabru padčas bojki ŭ dvary.
Jon nanios mužčynu mnostva ŭdaraŭ pa hałavie kuvałdaj, jakuju znajšoŭ u haražy. Paśla hetaha maładyja ludzi zabrali z pamiaškańnia ŭsie pradmiety, na jakich mahli być pakinutyja ślady ruk, u tym liku pryładu złačynstva, i zakapali na najbližejšaj pustcy. Mabilny telefon zabitaha ŭ toj ža dzień pradali vypadkovamu znajomamu.
Supracoŭniki milicyi ŭstanavili asobu mužčyn. Praź niekalki hadzin 32-hadovy i 29-hadovy minčanie byli zatrymanyja i dastaŭlenyja ŭ RUUS.
Raspačataja sprava na padstavie p. 6 č. 2 art. 139 KK (zabojstva, učynienaje z asablivaj žorstkaściu)
