kremlin.ru
Prezidenckija vybary ŭ Biełarusi projduć na vysokim uzroŭni. Takoje mierkavańnie vykazaŭ siońnia prezident Rasii Uładzimir Pucin na sustrečy ź biełaruskim kaleham Alaksandram Łukašenkam.
Uładzimir Pucin vykazaŭ upeŭnienaść, što prezidenckija vybary projduć na samym vysokim uzroŭni ŭ poŭnaj adpaviednaści ź biełaruskimi i mižnarodnymi standartami.
«My viedajem ab prablemach, źviazanych z ekanamičnymi pytańniami ŭ śviecie i ŭ našych krainach», — skazaŭ Pucin. «My viedajem, što adbyvajecca, viedajem, što treba rabić», — adznačyŭ jon. «Nie zaŭsiody ŭsio atrymlivajecca, heta naturalna, ale my budziem ŭpeŭniena iści napierad. Ja nie sumniavajusia, što ŭsie hetyja składanaści buduć pieraadoleny», — dadaŭ Pucin.
Prezident Rasii ŭpeŭnieny, što majučyja adbycca 11 kastryčnika prezidenckija vybary ŭ Biełarusi projduć paśpiachova i ŭ adpaviednaści ź mižnarodnymi standartami, paviedamlaje tass.
«U Biełarusi 11 kastryčnika pavinny adbycca prezidenckija vybary. Heta zaŭsiody vielmi adkazny i niaprosty etap u žyćci luboj krainy», — adznačyŭ Pucin na sustrečy z Łukašenkam. «Upeŭnieny, što hetyja vybary projduć na samym vysokim uzroŭni, u poŭnaj adpaviednaści z našymi, ź biełaruskimi, ź mižnarodnymi standartami. Ja chaču pažadać Vam pośpiechaŭ», — skazaŭ Pucin, źviartajučysia da svajho biełaruskaha kalehi.
«Ja asabista i naša dziaržava ź vialikaj pavahaj stavimsia da ŭzajemaadnosin pamiž rehijonami i pamiž rehijonami i Biełaruśsiu», - skazaŭ u svaju čarhu Alaksandr Łukašenka.
Łukašenka adznačyŭ, što Biełaruś i Rasija pastajanna trymajuć na kantroli jak prablemy, jakija isnujuć u dvuchbakovych adnosinach, tak i stanoŭčyja momanty.
«My sapraŭdy razumiejem, što adbyvajecca vakoł nas. Chapaje i ŭ nas prablem, tamu my i źbirajemsia na takija rehijanalnyja mierapryjemstvy (forum rehijonaŭ Biełarusi i Rasii», — praciahnuŭ Alaksandr Łukašenka. Biełaruski lidar nahadaŭ, što kali rasijskija hubiernatary byvajuć u Biełarusi, to niama takoha vypadku, kab kiraŭnik dziaržavy asabista nie sustreŭsia z kiraŭnictvam rehijonaŭ i nie pacikaviŭsia biahučymi spravami, «što treba, što my možam zrabić, što razam možam zrabić».
«Ja zaŭsiody dziakuju rehijonam Rasii. Našy biełaruska-rasijskija adnosiny ŭ byłyja časy byli vyratavany tolki rehijonami Rasii. Kali b tady ŭ nas nie było supracoŭnictva ź imi, nam by vielmi składana było b utrymać adnosiny, jakija ŭ nas byli ŭ składzie Savieckaha Sajuza. Paśla raspadu najciažejšyja byli časy», — nahadaŭ biełaruski lidar.
Łukašenka źviarnuŭ uvahu, što ŭ Biełarusi tavarazvarot ź niekatorymi rehijonami Rasii vyšejšy, čym ź inšymi dziaržavami.
«Prykładna pałova ŭsiaho biełaruskaha tavaraabarotu prypadaje na Rasiju. Adsiul i kaštoŭnaść, i značnaść našych adnosin», — padkreśliŭ kiraŭnik biełaruskaj dziaržavy.
Kranajučy forum rehijonaŭ Biełarusi i Rasii, Alaksandr Łukašenka adznačyŭ, što heta mierapryjemstva nabyło rezanans. «Dla vierchnich pałat parłamientaŭ znajšli surjoznuju kankretnuju temu, i jany z zadavalnieńniem hetym zajmajucca», - dadaŭ Alaksandr Łukašenka i padziakavaŭ Uładzimiru Pucinu, hubiernataraŭ za dobra arhanizavanaje mierapryjemstva i vykazaŭ upeŭnienaść, što jano stanie tradycyjnym.
