Pieradvybarnaja prahrama kandydata ŭ prezidenty Biełarusi Siarhieja Hajdukieviča apublikavana na sajcie haziety «SB. Biełaruś siehodnia».
BiełTA
Adzin z prahramnych tezisaŭ Hajdukieviča — praviadzieńnie bližejšych vybaraŭ u parłamient pa źmiešanaj praparcyjanalna-mažarytarnaj vybarčaj sistemie. Kandydat ličyć, što ŭ hetych vybarach pavinny pryniać udzieł usie «kanstruktyŭnyja siły, nastrojenyja na stvaralnuju rabotu na karyść hramadzian i Biełarusi».
Hajdukievič abiacaje, što «zrobić z čynoŭnikaŭ dziaržaŭnikaŭ», heta značyć ludziej, jakija ŭśviedamlajuć «usiu asabistuju adkaznaść pierad Ajčynaj, adkazvajuć za svaje dziejańni i nie bajacca prajaŭlać inicyjatyvu na karyść Radzimie». Palityk vystupaje i za pašyreńnie paŭnamoctvaŭ miascovych orhanaŭ samakiravańnia.
U prahramnym tekście taksama zajaŭlena, što Hajdukievič kateharyčna suprać avanturyzmu ŭ palitycy, tamu što viedaje: luby ekśpierymient u palitycy — heta ekśpierymient na ludziach.
Kandydat zajaŭlaje i ab tym, što treba nablizić minimalny pamier apłaty pracy da pražytačnaha minimumu. Taksama jon vystupaje za adradžeńnie pracoŭnaj piensii, a ŭ pierśpiektyvie - za piersanifikacyju piensijnych rachunkaŭ i raźvićcio sistemy niedziaržaŭnaha piensijnaha zabieśpiačeńnia. Hajdukievič ličyć nieabchodnym taksama surjozna pavysić uzrovień sacyjalnych harantyj niepracazdolnym. Ekanamičny rost, na jaho dumku, pavinien hruntavacca na stymulavańni raźvićcia lehalnaha siektara ekanomiki, a cieniavuju ekanomiku nieabchodna vyciaśniać. «Biźnies — mator ekanomiki», — taksama zajaŭlena ŭ prahramie. Hajdukievič prapanuje vyzvalić ad arendnaj płaty na try hady siaredni i mały biźnies, a taksama pieradać takomu biźniesu pustujučyja administracyjnyja pamiaškańni.
«Adukacyja pavinna adpaviadać patrebnaściam asoby, hramadstva, krainy», — taksama padkreślivaje kandydat.
Što datyčycca źniešniaj palityki, to «nieabchodna trymać parytet pamiž Zachadam i Uschodam, być svojeasablivaj uschodniesłavianskaj Šviejcaryjaj». Pry hetym Zachad — partnior, Rasija — sajuźnik. Akramia taho, Hajdukievič abiacaje pravodzić šmatviektarnuju palityku.
Raniej byli aficyjna apublikavany prahramy Alaksandra Łukašenki i Mikałaja Ułachoviča. Prahramnyja teksty Taćciany Karatkievič i Siarhieja Hajdukieviča taksama byli abnarodavanyja praktyčna ŭ pačatku pieryjadu ahitacyi, adnak heta nie byli aficyjnyja publikacyi.
Vybary prezidenta Biełarusi projduć 11 kastryčnika.