Staršynia Centrvybarkama Lidzija Jarmošyna na prezidenckich vybarach płanuje prahałasavać daterminova, 7 kastryčnika. Pra heta jana paviedamiła žurnalistam 2 kastryčnika ŭ Minsku.
«Płanuju prahałasavać 7 kastryčnika — u druhi dzień daterminovaha hałasavańnia. Ja ŭ pieršy dzień nikoli nie chadžu, učastkovyja kamisii mohuć pracavać z ahrechami. Pieršy dzień jak by probny, a ŭ druhi dzień užo ŭsio šlifujecca, usio prachodzić dobra», — skazała kiraŭnik CVK.
Pavodle jaje słoŭ, forma daterminovaha hałasavańnia dastatkova papularnaja ŭ Biełarusi, takim čynam hałasujuć 25-27% vybarščykaŭ.
Jarmošyna taksama zajaviła, što pa zvarotach, jakija pastupajuć u vybarčyja kamisii, možna zrabić vysnovu ab vialikaj cikavaści da vybaraŭ. Hramadzianie časta zadajuć pytańnie, dzie jany zmohuć prahałasavać, kali nie žyvuć pa miescy rehistracyi.
Nahadajem, daterminovaje hałasavańnie projdzie z 6 pa 10 kastryčnika. Niepasredna vybary prezidenta adbuducca 11 kastryčnika.
