Piekinski teatr narodnaha mastactva ŭpieršyniu vystupić u Minsku na scenie Nacyjanalnaha akademičnaha teatra imia Janki Kupały, paviedamili ŭ Kupałaŭskim teatry.
Śpiektakli projduć 12 i 13 kastryčnika ŭ čas Dzion kultury Kitaja ŭ Biełarusi. Pryjezd adnaho z bujniejšych teatraŭ Kitaja, jaki maje 60-hadovuju historyju, źjaŭlajecca vizitam u adkaz na vystupleńnie Nacyjanalnaha akademičnaha teatra imia Janki Kupały ŭ Piekinie ŭ 2013 hodzie. Kupałaŭcy tady pakazali dla kitajskaha hledača śpiektakli «Viasielle» i «Nie moj».
Dziejnaść teatra ź Piekina nakiravana na pakaz pastanovak tvoraŭ ajčynnych aŭtaraŭ. Biełaruskaha hledača Piekinski teatr narodnaha mastactva aznajomić z tradycyjnaj kitajskaj kulturaj. Budzie pakazany śpiektakl «Naš Czin Ke», u asnovie jakoha - historyja lehiendarnaha voina Czin Ke, čyjo imia viadoma kožnamu ŭ Padniabiesnaj jašče z časoŭ Staražytnaha Kitaja.
Siužet dramy pabudavany na realnych histaryčnych padziejach, jakija adbyvalisia ŭ 227 hodzie da našaj ery, kali kitajskaja ziamla była razdroblena na niekalki carstvaŭ. Prync carstva Jań padasłaŭ Czin Ke zabić praviciela mocnaha carstva Ciń, ale voin zahinuŭ. Imia Czin Ke na praciahu stahodździaŭ źjaŭlajecca simvałam mužnaści i hatoŭnaści achviaravać ułasnym žyćciom dziela baraćby z vorahami.
Režysior śpiektakla — dyrektar Piekinskaha teatra narodnaha mastactva, režysior pieršaj katehoryi Kitajskaj Narodnaj Respubliki Žeń Min. Aŭtar pjesy - Mo Jań - hanarovy scenaryst Piekinskaha teatra narodnaha mastactva, a taksama pieršy hramadzianin KNR, jaki staŭ łaŭreatam Nobieleŭskaj premii ŭ litaratury ŭ 2012 hodzie. Śpiektakl praciahłaściu amal try hadziny budzie iści na kitajskaj movie ź sinchronnym pierakładam na ruskuju.
