Kiraŭnik Čačni Ramzan Kadyraŭ zajaviŭ ab hatoŭnaści čačenskich vajskoŭcaŭ adpravicca ŭ Siryju dla ŭdziełu ŭ bajach z «Isłamskaj dziaržavaj».
«Ja heta nie prosta kažu. Ja jak musulmanin, jak čačeniec, jak patryjot Rasii zajaŭlaju, što ŭ 1999 hodzie, kali respublika była achoplena hetymi šajtanami, jakija siońnia isnujuć, my dali klatvu na Karanie: usio svajo žyćcio budziem zmahacca suprać ich, dzie b jany ni znachodzilisia. Ja nie prosta kažu, ja prašu, kab nam dazvolili vyjechać tudy i ŭdzielničać u hetych śpiecapieracyjach», — skazaŭ Kadyraŭ.
Jon adznačyŭ, što rašeńnie pavinien pryniać viarchoŭny hałoŭnakamandujučy i prezident krainy Uładzimir Pucin, dadaŭšy, što čačenskija vajskoŭcy hatovyja da bajavych dziejańniaŭ.
Na dumku kiraŭnika Čačni, jak tolki terarysty ŭ Siryi zrazumiejuć, što da ich nakiroŭvajucca sałdaty, jany chutka syduć adtul.
«My viedajem ich, my ich tut źniščali, my ź imi vajavali. I jany nas viedajuć», — zajaviŭ Ramzan Kadyraŭ.
«Terarysty pakul nie viedajuć, što takoje realnaja vajna, pakolki mieli spravu tolki z bambiožkami, a ŭ vajennych dziejańniach u ich niama vopytu», — dadaŭ jon.
