Minharvykankam daŭ dazvoł na praviadzieńnie mitynhu 7 kastryčnika Biełaruskamu kanhresu demakratyčnych prafsajuzaŭ. Pra heta paviedamlaje pres-słužba asacyjacyi prafsajuzaŭ.
Akcyja adbudziecca na centralnaj sceničnaj placoŭcy staličnaha parku Družby narodaŭ na płoščy Banhałor z 17.00 da 18.00 7 kastryčnika 2015 hoda, u Suśvietny dzień baraćby za hodnuju pracu.
Arhanizatary miarkujuć, što ŭ mitynhu voźmuć udzieł kala 200 čałaviek, jakija znachodziacca ŭ čatyroch členskich arhanizacyjach BKDP: BNP, SPB, SPM i prafsajuzie REP.
Z 2008 hoda Mižnarodnaja kanfiederacyja prafsajuzaŭ (MKP) pravodzić 7 kastryčnika Dzień suśvietnaj mabilizacyi — dzień, kali prafsajuzy usiaho śvietu patrabujuć hodnaj pracy.
Sioleta akcyja budzie prachodzić pad usieahulnym devizam: «Skončym sa skvapnaściu karparacyj!».
