Vieteran amierykanskich uzbrojenych sił, 30-hadovy Krys Mintc, atrymaŭ šeść ranieńniaŭ padčas stralby ŭ kaledžy Ampkva ŭ Arehonie. Pra heta paviedamlaje ŭ piatnicu, 2 kastryčnika, BuzzFeed.
Ciotka Krysa, Jana Mintc, raspaviała vydańniu, što jaje plamieńnik, pačuŭšy streły i kryki žančyny, pabieh na dapamohu. Strałok, ubačyŭšy Mintca, vypuściŭ u jaho ad piaci da siami patronaŭ. Jana ŭdakładniła, što Krys atrymaŭ ranieńni ŭ śpinu, ruki, abiedźvie nahi i žyvot. «Jon rabiŭ usio mahčymaje, kab dapamahčy», - adznačyła ciotka paciarpiełaha.
Siastra Krysa pačała kampaniju pa zbory srodkaŭ na lačeńnie i reabilitacyju brata. Za dzień joj udałosia sabrać u dziesiać razoŭ bolš hrošaj, čym jana płanavała.
Stralbu ŭ kaledžy Ampkva ŭ miastečku Rouzburh ŭ Arehonie zładziŭ u čaćvier 26-hadovy Krys Charpier Miersier. Pa apošnich dadzienych, zahinuli 10 čałaviek, u tym liku i sam paciarpieły.
Pa paviedamleńniach miascovych ŚMI, strałok pierad raspravaj pytaŭsia ŭ achviar, jakuju relihiju jany vyznajuć, i metanakiravana zabivaŭ chryścijanaŭ.
