Łondanskaja palicyja aryštavała byłoha ministra nafty Nihieryi i prezidenta APIEK (Arhanizacyi krain — eksparcioraŭ nafty) Dyjezani Alisan-Maduekie. Pra heta paviedamlaje Reuters sa spasyłkaj na ananimnyja krynicy. Aficyjnaha paćvierdžańnia ab aryšcie z boku Skotłand-Jarda pakul niama.
U suviazi z čym zatrymanaja Dyjezani Alisan-Maduekie, Reuters nie ŭdakładniaje, ale nihieryjskaja presa (taksama sa spasyłkaj na ananimnyja krynicy) śćviardžaje, što aryšt adbyŭsia ŭ suviazi ź niejkaj karupcyjnaj spravaj. Z-za jaje taksama zatrymanyja jašče niekalki čałaviek, ich imiony nie nazyvajucca. Akramia taho, nieviadoma, adbyŭsia aryšt pa inicyjatyvie brytanskich pravaachoŭnych orhanaŭ abo jany dziejničali pa zapycie ź Nihieryi.
Dyjezani Alisan-Maduekie — pieršaja žančyna, jakaja stała prezidentam APIEK. Jaje vybrali na pasadu ŭ listapadzie 2014 hoda. Da hetaha jana z 2007 hoda pracavała na roznych kirujučych pasadach va ŭradzie Nihieryi.