Redakcyja časopisa Arche prapanuje ŭ ramkach rasprodažu, jaki praciahniecca da 23 kastryčnika, za paŭ- ci tracinu cany nabyć histaryčnyja biestsielery, jakija aśviatlajuć siužety i temy našaj minuŭščyny, jakija jašče niadaŭna byli vykraślenyja cenzarskaj rukoj.
Uvaha: pieršyja 25 zamoŭnikaŭ atrymajuć u padarunak hruntoŭnaje vydańnie «Letapisy i chroniki Biełarusi. Siaredniaviečča i rańniemaderny čas».
Vašaj uvazie prapanujucca nastupnyja publikacyi:
1. Śliž Natalla. Šlubnyja i pazašlubnyja stasunki šlachty Vialikaha Kniastva Litoŭskaha ŭ XVI—XVII stst. — Smalensk: Inbiełkult, 2015. — 672 s.
Kniha pryśviečana šlubnym i pazašlubnym adnosinam šlachty Vialikaha Kniastva Litoŭskaha ŭ XVI—XVII stst. Razhledžana ŭnarmavańnie instytuta šlubu ŭ zakanadaŭstvie. Nadajecca ŭvaha vykanańniu zakanadaŭčych normaŭ u sudovaj praktycy i pryvatna-pravavych dakumientach. Asobna pradstaŭlena vypasažeńnie šlachcianak i nadańnie im viena. Daśledavany ŭpłyŭ pravasłaŭja, unijactva, katalicyzmu i pratestantyzmu na šlubnyja stasunki šlachty. Rekanstrujavany šlachiecki abrad viasiella. Pradstaŭlenyja asablivaści skasavańnia šlubu ŭ śvieckich i duchoŭnych sudach. Kniha supravadžajecca dadatkami i ilustracyjami.
Poŭny źmiest knihi dastupny TUT.
2. Kraŭcevič Alaksandr. Kraina pahraničča: vybranyja tvory. — Smalensk: Inbiełkult, 2014. — 518 s.
U knihu ŭvajšli vybranyja navukova–papularnyja, eseistyčnyja i publicystyčnyja pracy viadomaha biełaruskaha navukoŭcy i hramadskaha dziejača z Harodni, napisanyja im na praciahu apošnich troch dziesiacihodździaŭ. Niekatoryja ź ich drukujucca ŭ zborniku ŭpieršyniu.
U knizie drukujucca narysy: «Vialiki kniaź Vitaŭt», «Hiedymin (1316— 1341 hh.). Karaleŭstva Litvy i Rusi», «Ad Vojšałka da Vicienia», «Mindaŭh. Pačatak vialikaha haspadarstva», «Teŭtonski orden ad Jerusalima da Hrunvalda».
Poŭny źmiest knihi dastupny TUT.
3. № 1-2 — 2012. Biełaruś evanhielskaja.
Niemahčyma ŭjavić vyvučeńnie historyi i analiz sučasnaści Biełarusi biez daśledavańnia i asensavańnia pratestanckaj spadčyny. Mnohija pytańni historyi pratestantyzmu ŭ Biełarusi jašče čakajuć svajho daśledčyka, ale hałoŭnaje palahaje ŭ tym, kab pačać hetuju spravu. Spadziajemsia, što hety numar časopisu «ARCHE» adkaža na niekatoryja pytańni i paspryjaje lepšamu viedańniu našaj historyi i našaj sučasnaści. (Z pradmovy da numara).
U numary drukujucca daśledavańni «Ruskija pratestanty Vialikaha Kniastva Litoŭskaha i ich staŭleńnie da pravasłaŭja, 1569—1767 hh.» Andreja Katlarčuka, «Pratestanty ŭ Słucku ŭ ChVII —XIX stahodździach» Ludmiły Ivanovaj, «Da historyi pieršaha vydańnia Novaha Zapavietu i Psalmaŭ na sučasnaj biełaruskaj movie (1931 hod)» Anatola Sidareviča, «Evanhielskija chryścijanie-baptysty ŭ BSSR u 1944 — pačatku 1950-ch hh.» Taćciany Kasataj i inš.
Poŭny źmiest numara dastupny TUT.
Narešcie, pieršyja 25 zamoŭnikaŭ atrymajuć tom
4. Letapisy i chroniki Biełarusi. Siaredniaviečča i rańniemaderny čas. Układ. V. A. Varonin. 2-je vyd. Smalensk: Inbiełkult, 2013. — 902 s.
Vydańnie ŭtrymlivaje praktyčna ŭsie viadomyja na siońniašni dzień biełaruska-litoŭskija letapisy. Jaho źmiest układzieny na bazie 32-ha i 35-ha tamoŭ Poŭnaha zboru ruskich letapisaŭ i zabiaśpiečany pradmovaj, jakuju napisaŭ da ich Mikoła Ŭłaščyk. U Dadatkach źmieščanyja ŭryŭki ź Ipaćjeŭskaha, Naŭharodzkaha, Pskoŭskaha pieršaha, Pskoŭskaha druhoha, Pskoŭskaha treciaha, Ćviarskoha letapisaŭ i Rahoskaha letapiscu, jakija istotna dapaŭniajuć, a časam padajuć u zusim inšym śviatle tyja ci inšyja padziei, adlustravanyja ŭ letapisach ajčynnaha pachodžańnia.
Poŭny źmiest knihi dastupny TUT.
Tolki da 23 kastryčnika kamplekt možna zamović, dasłaŭšy elektronny list na adras [email protected] abo pazvaniŭšy na teł. (29) 5507969.
Cana za ŭvieś kamplekt — 199 tys. (samavyvaz) abo 249 tys. (dastaŭka poštaj ci kurjeram, kurjer pracuje tolki pa Miensku i vakolicach).
Uvaha: prodaž paasobnych vydańniaŭ z kamplektu ŭ ramkach akcyi nie dapuskajecca.
Taksama źviartajem vašu ŭvahu, što kolkaść kamplektaŭ abmiežavanaja. Redakcyja zaścierahaje za saboj prava daterminova spynić akcyju ŭ suviazi z vyčarpańniem składskich zapasaŭ.
