Paśla adstaŭki premjer-ministra Aŭstralii Toni Ebata jon i jaho kalehi razhramili pracoŭny ŭradavy kabiniet: tak, u pryvatnaści, praktyčna źniščany stoł ź italjanskaha marmuru, piša ŭ paniadziełak, 19 kastryčnika, The Guardian.

theguardian.com

theguardian.com

Pra źniščany stoł ź italjanskaha marmuru stała viadoma jašče 15 vieraśnia. Za noč da hetaha Toni Ebat prajhraŭ vybary kiraŭnika Libieralnaj partyi Małkałmu Ternbułu. Prybiralščyki paviedamili pra złamany stoł departamientu ŭradavych słužbaŭ ranicaj 15 vieraśnia, adnak jaho supracoŭnikam zabaraniali tudy zachodzić na praciahu troch dzion.

Paśla hetaha im dazvolili zamianić złamany stoł na novy, jaki znachodziŭsia na składzie. Pradmiet interjeru, piša hazieta, byŭ nabyty za 590 dalaraŭ u chodzie dekaracyi budynka ŭrada, jakaja adkryłasia ŭ 1988 hodzie. Papraŭka abydziecca bolš čym u tysiaču dalaraŭ.

Ministr handlu Pieni Vonh zaprasiła departamient razabracca ŭ hetaj situacyi.

U atrymanym adkazie havorycca, što nanieści taki ŭron stała možna było tolki ŭ tym vypadku, kali na im stajaŭ ci tancavaŭ čałaviek. Taksama ŭ im kazałasia, što kavałki marmuru byli znojdzieny ŭ kabinietach ministraŭ.

U vieraśni 2015 Ebat prajhraŭ vybary lidera Libieralnaj partyi Ternbułu. Jamu daviałosia pakinuć pasadu, jakuju jon zajmaŭ z 2013 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?