Były ŭładalnik papularnaha hrodzienskaha kłuba «Tajm Aŭt» źbirajecca adkryć novuju ŭstanovu. Kłub «Afryka» moža pačać pracu ŭ kancy hoda.

Raźmieścicca kłub na vulicy Kurčatava, 1, pa susiedstvie z budynkam Biełkarda. Interjer płanujecca vykanać u jarkich trapičnych kolerach. Hości zmohuć zamović kaljan i kuryć jaho na miescy, jak było ŭ Alpha Centauri, što zakryŭsia hetaj vosieńniu. Kłub zojmie bolš za 1000 kv.m.

Kłub Alpha Centauri, jaki pracavaŭ čatyry hady i zakryŭsia viasnoj 2015 hoda, taksama jak i zapłanavanaja «Afryka» byŭ raźmieščany ŭ byłym pramysłovym budynku. Kłub zakryŭsia praź finansavyja prablemy, jakija pieraśledavali jaho kala paŭhodu. Fota chatoff.by

Kłub Alpha Centauri, jaki pracavaŭ čatyry hady i zakryŭsia viasnoj 2015 hoda, taksama jak i zapłanavanaja «Afryka» byŭ raźmieščany ŭ byłym pramysłovym budynku. Kłub zakryŭsia praź finansavyja prablemy, jakija pieraśledavali jaho kala paŭhodu. Fota chatoff.by

Zasnavalnik «Afryki» Andrej Badak raniej byŭ uładalnikam kłuba «Tajm Aŭt». «Ja ŭžo nie maju da jaho dačynieńnia paśla taho, jak haścinicu [»Hrodna», dzie znachodzicca kłub] vystavili na aŭkcyjon», — patłumačyŭ biźniesmien.

Pavodle jaho słoŭ, samaje składanaje z novaj ustanovaj jašče napieradzie: «Zaraz mnohaje zaležyć ad našych uładaŭ. Usio budzie, kali jany daduć stanoŭčy adkaz».

Pieršaja publičnaja infarmacyja pra kłub źjaviłasia ŭ sacyjalnaj sietcy «Vkontaktie» ŭ hrupie «Moładź kulturnaj stalicy». Kaardynatar hrupy Dźmitryj Marozaŭ raspavioŭ:

— Ja liču, što horadu nieabchodny novy načny kłub. Praviedzienaje ŭ našaj hrupie apytańnie heta paćvierdziła.

U sacsietcy ŭžo źjaviłasia i aficyjnaja hrupa «Afryki», u jakoj aktyŭna nabirajuć piersanał: barmenaŭ, aficyjantaŭ, administrataraŭ, kucharaŭ, dydžejaŭ, śviatłatechnikaŭ, tancorak i inšych.

Kłub «Tajm Aŭt» (u narodzie «Parłamient») pracuje ŭ pamiaškańni restarana haścinicy «Hrodna». Haścinicu, jakaja naležyć haradskoj kamunalnaj haspadarcy, užo niekalki razoŭ vystaŭlali na aŭkcyjon. Na nastupnym aŭkcyjonie, jaki zapłanavany na 26 kastryčnika, jaje mohuć vykupić inviestary z Kitaja. Płoščy haścinicy i restarana zdajucca ŭ arendu da momantu prodažu. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?