president.gov.by
Ab hetym kiraŭnik dziaržavy zajaviŭ siońnia na naradzie pa aktualnych pytańniach raźvićcia Biełarusi.
«Adkryvajecca novaja staronka ŭ raźvićci našaj dziaržavy, i my razam pavinny adkryć hetuju staronku — ščyra, pryncypova, adkazna, — adznačyŭ Łukašenka.
— Napieradzie nas čakajuć vielmi surjoznyja vyprabavańni. Nieabchodna zabiaśpiečyć nie tolki dalejšaje raźvićcio, ale i zachavańnie hetaj suvierennaj niezaležnaj krainy, jakuju my z vami stvaryli».
Jak ličyć Alaksandr Łukašenka, na raskačku času niama. Usie siły i enierhiju treba pieraklučyć na rašeńnie samych aktualnych pytańniaŭ.
Mienavita tamu na siońniašniaj naradzie byli zasłuchany słužbovyja asoby, jakija znachodziacca na klučavych dziaržaŭnych pasadach. Hałoŭnym pytańniem abmierkavańnia byli stan i pierśpiektyvy sacyjalna-ekanamičnaha raźvićcia krainy. Urad pradstaviŭ svajo bačańnie dalejšaha raźvićcia krainy.
Pa słovach kiraŭnika dziaržavy, pačataja siońnia razmova budzie praciahnutaja, u pryvatnaści, na ŭzroŭni prezidenta buduć razhledžany pytańni biaśpieki. Akramia taho, asobnaja razmova adbudziecca na ŭzroŭni kiraŭnika dziaržavy z kiraŭnikami inšych halin ułady.
