Biełaruskaja antarktyčnaja ekśpiedycyja płanuje pravieści pieršuju zimoŭku ŭ 2019-2020 hadach. Pra heta paviedamiŭ siońnia žurnalistam načalnik Biełaruskaj antarktyčnaj ekśpiedycyi, namieśnik načalnika Centra palarnych daśledavańniaŭ Nacyjanalnaj akademii navuk Biełarusi Alaksiej Hajdašoŭ.
«Jany prabuduć u Antarktydzie hod i bolš», — skazaŭ Alaksiej Hajdašoŭ. Žyć na samym surovym kantyniencie biełaruskija palarniki buduć na ŭłasnaj antarktyčnaj stancyi.
Pieršy modul stancyi
Praź niekalki dzion pieršy modul stancyi adpravicca ŭ Antarktydu na borcie rasijskaha navukova-ekśpiedycyjnaha sudna «Akademik Fiodaraŭ». Piać udzielnikaŭ vośmaj biełaruskaj antarktyčnaj ekśpiedycyi praviaduć sa śniežnia 2015 pa luty 2016 hoda kompleks rabot pa jaho mantažy i ŭvodzie ŭ ekspłuatacyju.
