Z 25 kastryčnika ciahnik № 84/83 Homiel — Sankt-Pieciarburh budzie chadzić štodzień «z metaj pavyšeńnia pryvabnaści mižnarodnych pasažyrskich pieravozak», paviedamiła pres-słužba Biełaruskaj čyhunki.
Ciapier ciahnik kursiruje praź dzień. Raskład ruchu sastavu zastaniecca raniejšym: jon adpraŭlajecca z Homiela ŭ 17.16 i prybyvaje ŭ Sankt-Pieciarburh u 10.08 na nastupny dzień. Čas adpraŭleńnia ŭ zvarotnym napramku — 17.05, prybyćcia ŭ Homiel — 10.27 nastupnych sutak.
U sastaŭ ciahnika ŭklučany płackartnyja i kupejnyja vahony.
Biełaruskaja čyhunka 15 kastryčnika ŭviała skidki na prajezd u ciahnikach u znosinach z Rasijaj u siarednim na 12%. Akramia taho, zachoŭvajecca dziejańnie raniej dadzienych skidak da 15% u zaležnaści ad terminaŭ nabyćcia prajaznych dakumientaŭ i typaŭ vahonaŭ, a taksama skidki pry prajeździe arhanizavanych hrup pasažyraŭ da 30%.
