U baskietbolnym turniry Adzinaja liha VTB minskija «Cmoki» ŭ haściach vyjhrali ŭ ryžskaha VEFa — 84:76 (17:12, 31:20, 21:18, 15:26).
Samymi vynikovymi ŭ składzie «cmokaŭ» stali Entani Chiliard (27 ačkoŭ) i Haržt Štuc (17). Ivan Maraš adznačyŭsia «dabł-dabłam» (14 ačkoŭ + 10 padboraŭ), a Branka Mirkavič zapisaŭ u svoj aktyŭ siem dziejsnych pieradač.
Nahadajem, što minčuki ŭ pieršych troch turaŭ atrymali dźvie pieramohi (u haściach nad UNIKSam i «Jenisiejem») dy prajhrali doma «Zienitu».
31 kastryčnika «Cmoki» zhulajuć u haściach z «Krasnym Akciabrom» (nazvy ž my nie pierakładajem).
8 listapada matč na «Minsk-Arenie» z češskim «Nimburkam».
***
Adzinaja liha VTB — faktyčna adkryty čempijanat Rasii pa baskietbole. Biaruć udzieł 16 kamandaŭ: 9 z Rasii, pa adnoj ź Biełarusi, Finlandyi, Estonii, Łatvii, Čechii, Hruzii i Kazachstana.
Kamandy zhulajuć dvuchkołavy turnir (usiaho 30 matčaŭ), pa vynikach jakoha 8 kamandaŭ vyjduć u płej-of.