fota Anžaliki Vasileŭskaj, Tut.by
Pra heta TUT.BY paviedamiŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
U subotu, 24 kastryčnika, upłyvać na ŭmovy nadvorja na terytoryi Biełarusi buduć atmaśfiernyja franty. Dniom u paŭdniova-zachodnich rajonach adabjecca ŭpłyŭ vobłaści pavyšanaha atmaśfiernaha cisku. Nočču i ranicaj na bolšaj častcy terytoryi, a taksama dniom miescami daždžy. U načnyja i ranišnija hadziny ŭ asobnych rajonach tuman. Tempieratura pavietra minimalnaja nočču 4 + 9°S, maksimalnaja dniom 7 + 12°S.
U Minsku ŭ subotu čakajecca karotkačasovy doždž. U načnyja i ranišnija hadziny słaby tuman. Viecier paŭnočna-zachodni 4-9 m/s. Tempieratura pavietra minimalnaja nočču 6 — +8°S, maksimalnaja dniom +8—+10°S.
U niadzielu, 25 kastryčnika, nadvorje ŭ krainie ŭ asnoŭnym budzie vyznačać vobłaść pavyšanaha atmaśfiernaha cisku, sfarmavanaja ŭ vilhotnaj pavietranaj masie. U asobnych rajonach projduć nievialikija karotkačasovyja daždžy. Tempieratura pavietra minimalnaja nočču 1 — +7°S, maksimalnaja dniom 7 — + 12°S, miescami tuman.
U stalicy ŭ niadzielu čakajecca vobłačnaje, z prajaśnieńniami, bieź istotnych apadkaŭ, nadvorje. U načnyja i ranišnija hadziny słaby tuman. Viecier paŭnočna-zachodni 4-9 m/s. Tempieratura pavietra minimalnaja nočču 2 — +4°S, maksimalnaja dniom 8—+10°S.
U paniadziełak z terytoryi Polščy praź Biełaruś prahnazujecca pierasoŭvańnie čarhovaha atmaśfiernaha frontu, jaki pryniasie na bolšuju častku terytoryi karotkačasovyja daždžy i tumany. Dniom pa paŭnočna-ŭschodniaj pałovie Krainy Uzmacnieńnie vietru paryvami da 15-17 m/s. Tempieratura pavietra minimalnaja nočču 2 +7°S, maksimalnaja dniom 5 + 11°S.
U siaredzinie nastupnaha tydnia atmaśfiernyja franty pakinuć Biełaruś i nadvorje vyznačyć antycykłon z Zachodniaj Jeŭropy: daždžy spyniacca, abłokaŭ stanie mieniej, ustalujecca bolš kamfortnaje nadvorje. A dniom nievysokaje vosieńskaje sonca budzie prahravać pavietra ad 5 pa poŭnačy da + 12°S.
