Alaksandr Łukašenka siońnia pryniaŭ udzieł u cyrymonii pasadki Dreva miru i ŭstojlivaha raźvićcia ŭ honar 70-hodździa zakančeńnia Druhoj suśvietnaj vajny i zasnavańnia arhanizacyi Abjadnanych Nacyj. Cyrymonija prajšła ŭ Łošyckim parku ŭ Minsku.
BiełTA
Razam z Alaksandram Łukašenkam ŭdzieł u pasadcy dreva pryniali namieśnik administratara Prahramy raźvićcia AAN, rehijanalny dyrektar pa krainach Jeŭropy, SND i Bałtyi Džychan Sułtanahłu, pastajanny kaardynatar AAN i pastajanny pradstaŭnik mieniedžar PRAAN u Biełarusi Sanaka Samarasincha, pradstaŭniki dypłamatyčnaha korpusa.
U Łošyckim parku źjaviłasia nicaja višnia. Takoje ž dreva było pasadžana ŭ mai hetaha hoda ŭ štab-kvatery AAN u Ńju-Jorku. Cyrymonija pasadki Dreva miru i adzinstva była prymierkavana da 70-j hadaviny Pieramohi nad fašyzmam. Bieły koler, jakim kvitnieje nicaja višnia, u roznych kulturach simvalizuje čyściniu i adradžeńnie, dobrazyčlivaść i zaklik da prymireńnia.
Dla Alaksandra Łukašenki praviali karotkuju ekskursiju pa muziei Łošyckaj siadziby. Kiraŭnik Biełarusi pahutaryŭ z kiraŭnikami dypmisij krain-donaraŭ i pradstaŭnikami mižnarodnych arhanizacyj, jakija pryjšli na cyrymoniju.
