Hurt Trubetskoy pradstaviŭ svoj debiutny albom «Magister Bibendi». Kružełka vyjšła na rasijskim łejble Soyuz Music. Na joj źmiaścilisia 12 trekaŭ na ruskaj, biełaruskaj i ŭkrainskaj movach.
Jak tłumačać muzyki, «Magister Bibendi» — heta tamada na kulturnaj pjancy patrycyjaŭ u Staražytnym Rymie.
«Etymałohija hetaha słovazłučeńnia uchodzić karaniami ŭ Staražytny Rym. Paśla aficyjnaj častki ich karparatyvaŭ pačynałasia nieaficyjnaja, i rolu miascovaha tamady vykonvaŭ Mahistar Bibendzi: jon raźlivaŭ, sačyŭ, chto kolki pje, kaho para vyvodzić. I voś, my vyrašyli praciahnuć hetyja słaŭnyja rymskija tradycyi. Niešta ž ad Ryma treba brać, aproč hramadzianskaj supolnaści!» — viesieła tłumačyć nazvu alboma mieniedžar hurtu Jaŭhien Kałmykoŭ.
Aproč taho, «Magister Bibendi» — tatuiroŭka na ruce ŭ frontmena hurtu Paŭła Bułatnikava. Jon kaža, što pieršapačatkova mienavita tak musiŭ nazyvacca i hurt Trubetskoy. Ale pakolki kamanda spačatku vykonvała pieśni «Lapisa Trubiackoha», było vyrašana pakinuć ciapierašniuju nazvu.
Kancertnyja prezientacyi alboma «Magister Bibendi» adbuducca spačatku ŭ Sankt-Pieciarburhu, Kijevie i Maskvie. Pieršyja kancerty z novaj prahramaj u Biełarusi projduć 20 listapada ŭ Viciebsku, 21 listapada ŭ Breście, 4 śniežnia ŭ Homieli dy 5 śniežnia ŭ Hrodnie.
