Kiraŭnik Twitter Džek Dorsi pieradaŭ supracoŭnikam adnu treć akcyj kampanii, jakija jamu naležać. Pra heta jon raspavioŭ u asabistym mikrabłohu ŭ Twitter.
tjournal.ru
Košt pieradadzienych va ŭłasnaść kamandy kaštoŭnych papier składaje 200 miljonaŭ dalaraŭ. Svoj učynak Dorsi nazvaŭ inviestycyjaj u supracoŭnikaŭ Twitter. Tyja akcyi Twitter, što zastalisia ŭ jaho, pa-raniejšamu dazvalajuć jamu ličycca siomym pa vieličyni akcyjanieram kampanii.
Dorsi byŭ aficyjna zaćvierdžany na pasadzie hienieralnaha dyrektara Twitter u pačatku kastryčnika. Raniej jon užo zajmaŭ hetuju pasadu da sychodu z Twitter u 2008 hodzie. 13 kastryčnika Dorsi abviaściŭ, što Twitter skarocić 8% štata ŭ suviazi z aptymizacyjaj biznesu. Zvalnieńni zakranuć 336 supracoŭnikaŭ sa štata ŭ 4,1 tysiačy čałaviek.
Servis mikrabłohaŭ Twitter dazvalaje abmieńvacca karotkimi tekstami, adna ź jaho asnoŭnych asablivaściaŭ — uviedzieny dla paviedamleńniaŭ limit u 140 znakaŭ. Servis byŭ zapuščany ŭ lipieni 2006 hoda.
