Zasnavalnik handlovaj sietki Zara Amansijo Arteha pryznany samym bahatym čałaviekam u śviecie: jon abyšoŭ ŭ śpisie Forbes zasnavalnika Microsoft Biła Hiejtsa.
wbur.org
23 kastryčnika Forbes aceńvaŭ majomaść 79-hadovaha ispanca ŭ 80,3 młrd dalaraŭ. Pry hetym majomaść Hiejtsa aceńvajecca ŭ 78,1 młrd dalaraŭ.
Treciaje miesca zajmaje Uoren Bafiet (64,4 młrd dalaraŭ).
Abyjści Hiejtsa ispanskamu biznesmienu dapamoh rost rynkavaj kapitalizacyi kampanii Inditex, stvoranaj na asnovie Zara. Firma taksama kantraluje brendy Bershka, Massimo Dutti i Pull and Bear.
U apošni raz Bił Hiejts sastupaŭ pieršy radok rejtynhu samych bahatych ludziej u 2013 hodzie — tady jaho abyšoŭ mieksikanski mahnat Karłas Ślim. Tym nie mienš, nieŭzabavie zasnavalnik Microsoft viarnuŭsia na zvykłaje pieršaje miesca ŭ rejtynhu.
