Palicyja znajšła cieła pradprymalnika Amirana Hiearhadze, jaki znachodziŭsia ŭ vyšuku.

Pa słovach aficyjnaha pradstaŭnika MUS Rasii Aleny Alaksiejevaj, cieła znajšli ŭ pryvatnym domie ŭ pasiołku Cimoškina Krasnahorskaha rajona Padmaskoŭja.

Infarmacyju pra znachodžańnie cieła paćvierdziŭ aficyjny pradstaŭnik Śledčaha kamiteta RF Uładzimir Markin. Pry hetym, pavodle jaho słoŭ, cieła było znojdzienaje nie ŭ domie, a ŭ lesie pobač ź vioskaj Cimoškina.

Pavodle papiarednich dadzienych, Hiearhadze pakončyŭ z saboj «u toj ža dzień, kali ździejśniŭ złačynstva».

Pa viersii śledstva, 19 kastryčnika Amiran Hiearhadze zabiŭ pieršaha namieśnika kiraŭnika Krasnahorskaha rajona Juryja Karavułava, kiraŭnika «Krasnahorskaha pradpryjemstva elektryčnych sietak» Hieorhija Katlarenku, a taksama vypadkovaha śviedku.

Paśla taho zdareńnia palicyja znajšła ŭ kvatery Hiearhadze cieła jaho partniora pa biznesie. Kiroŭca biznesmena, jaki byŭ śviedkam zabojstvaŭ, dobraachvotna źjaviŭsia ŭ palicyju i ŭziaty pad vartu.

Hladzicie taksama: «Krasnahorskaha strałka» padazrajuć u hibieli jašče 6 čałaviek: ź ich 4 zahinuli ŭ DTZ u Biełarusi

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?