Dziaržaŭnaja duma Rasii ŭ piatnicu pryniała ŭ druhim i ŭ trecim čytańniach zakonaprajekt, jaki dazvalaje rasiejskim uładam aryštoŭvać zamiežnuju majomaść na svajoj terytoryi ŭ adkaz na aryšt majomaści RF za miažoj.

Zakonaprajekt padtrymali 400 deputataŭ. Ciapier jaho adpraviać na razhlad u Saviet Fiederacyi. U vypadku ŭchvaleńnia sienatarami dakumient pojdzie na podpis da prezidenta Pucina.

Da druhoha čytańnia ŭ zakonaprajekt unieśli šerah papravak. Pry hetym deputaty adznačajuć, što papraŭki nie mianiajuć kancepcyju dakumienta, a tolki ŭdakładniajuć niekatoryja farmuloŭki.

U pryvatnaści, udakładnienaje vyznačeńnie majomaści zamiežnaj dziaržavy. Ciapier takoj ličycca ŭsia majomaść, jakoj kirujuć inšyja dziaržavy, u tym liku arandavanaja.

Zakonaprajekt byŭ uniesieny ŭ Dziarždumu ŭ žniŭni, pieršaje čytańnie jon prajšoŭ u vieraśni. Nahodaj dla jaho ŭniasieńnia staŭ aryšt rasijskich aktyvaŭ u Bielhii i Francyi ŭ červieni.

Bielhijskija i francuzskija ŭłady patłumačyli svoj krok nieabchodnaściu pryniać zabiaśpiečvalnyja miery pa pazovie, padadzienym da Rasii ŭ Haahski sud akcyjanierami JUKASa.

Sud pastanaviŭ spahnać z Rasii bolš za $50 młrd u jakaści kampiensacyi dla byłych akcyjanieraŭ naftavaj kampanii. Rasija vypłačvać hetyja srodki admoviłasia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?