Minskim rajonnym adździełam Śledčaha kamiteta raspačataja sprava na padstavie č. 1 art. 430 KK (atrymańnie chabaru) u dačynieńni da namieśnika načalnika adździeła kantrolu za arhanizacyjami inśpiekcyi MPZ pa Minskim rajonie № 2, žychara Zasłaŭja 1983 hoda naradžeńnia.
Jak paviedamlaje UUS Minskaha abłvykankama, čynoŭnik źjaŭlaŭsia słužbovaj asobaj, upaŭnavažanaj na praviadzieńnie pravierak subjektaŭ pradprymalnickaj dziejnaści. Niezakonna, z karyślivych pabudžeńniaŭ, 15 kastryčnika kala 17.00, znachodziačysia na terytoryi AZS № 29 AAT «Biełarusnafta» pa vulicy Vialikaja ŭ Zasłaŭi, jon atrymaŭ ad dyrektara PTUP, miascovaha žychara, 1300 dalaraŭ ZŠA za spryjalnaje vyrašeńnie pytańnia ab niepryciahnieńni jaho da ŭstanoŭlenaj zakonam adkaznaści pa praviercy dziejnaści vyšejzhadanaj arhanizacyi.
