Vydańni možna zamović da 14 listapada, dasłaŭšy elektronny list na adras [email protected] abo pazvaniŭšy pa telefonie +375 29 5507969. Cana kožnaha vydańnia paznačana biez uliku koštu dastaŭki. Dastaŭka ažyćciaŭlajecca kurjeram (tolki pa Miensku i vakolicach) abo praz poštu nakładzienym płaciažom. Mahčymy samavyvaz (tady za dastaŭku nie treba płacić). Cana dastaŭki, u zaležnaści ad vahi vydańnia, moža składać ad 30 da 50 tysiač rubloŭ. Pry zamovie kamplekta vydańniaŭ ad 3 asobnikaŭ dastaŭka robicca za naš košt.
Zamaŭlajučy vydańni, u poli «Tema» paznačajcie «Redkija numary». U liście, akramia pieraliku patrebnych numaroŭ, treba paznačyć svaje dakładnyja kaardynaty: paštovy adras, indeks, proźvišča i inicyjały, a taksama telefon dla kamunikacyi. Prapanova dziejničaje tolki na terytoryi Respubliki Biełaruś.
№ 1 — 1998. Tema numaru — «Parnahrafija»
Pieršy numar časopisa, vydadzieny nievialikim nakładam. U numary — raman Vitolda Hambroviča «Parnahrafija», naveły z «Novaha damavikameronu» Adama Hlobusa, ese Jevy Sys «Hlobus Biełarusi» i Valerki Bułhakava «Hienij Łukašenki», a taksama «Vaładarskaja balada» Paŭła Sieviarynca, intelektualnaja čytanka: tekstyŬmberty Eki, Valtera Benjamina, Petera Słoterdajka, Žana Badryjara, Lešaka Kałakoŭskaha, razvahi Kšyštafa Čyžeŭskaha nad kompleksam siarednieeŭrapiejca i Aksany Zabužko nad kompleksam ukrainca. Pobač z skandalnaj prozaj Hary Metjuza ŭ šykoŭnym pierakładzie Judala Marholina novyja tvory Volhi Karatkievič, Maryi Roŭdy, Natałki Babinaj i Jevy Viežnaviec, vieršy Daliły Samasysi (Andreja Chadanoviča) pieśni Janki Cienia, hieapalityka vusnami Źbihnieva Bžezinskaha, dziońnikavyja zapisy.
№ 3 — 1999. Tema numaru — «Kabiety»
Hety vypusk nie maje ničoha supolnaha ni z 8 Sakavika, ni z žanočymi vydańniami kštałtu «Haspadyni» ci «Alesi». Heta i nie sproba praniknieńnia ŭ sutnaść žanockaści, što było b vielmi pa–mužčynsku, jak lubaja sproba praniknieńnia. Heta tolki pozirk kachańnia. (Z pradmovy)
Siarod aŭtaraŭ vydańnia — Kiejt Milet, Iryna Šabłoŭskaja, Adam Hlobus, Źmicier Majbarada, Volha Karatkievič, Eryka Džonh, Raścisłaŭ Piermiakoŭ, Sieviaryn Kviatkoŭski i inš.
№ 1 — 2000. Tema numara — «Pansłavizm: dumka i złačynstvy»
U numary publikujucca šmatlikija aŭtary z roznych słavianskich krajoŭ: čechi Vacłaŭ Černy i Jan Patačka, palaki Česłaŭ Miłaš i Kšyštaf Čyžeŭski, słaviency Draha Jančar i Aleš Debelak, serb Vuk Draškavič, baŭhar Ivajła Dyčeŭ, ukrainiec Mikoła Rabčuk, biełarusy Janka Stankievič, Ihar Sidaruk, Jahor Novikaŭ, Ilja Kurkoŭ, a taksama amerykaniec Ryčard Pajps, niemcy Tomas Man i Valter Benjamin. Słavamir Adamovič publikuje svoj turemny dziońnik i słoŭnik da jaho. Pobač cudoŭnaja padborka paezii, biełaruskaj i pierakładnaj: novyja vieršy Andreja Chadanoviča «Z čaho pačynajecca Žodzina» i Maksima Ščura «Alšanskija mohlicy», a taksama «Symfonii» Oskara Lubiča-Miłaša i šmatmoŭnaja tvorčaść Ivana Błatnaha. Adkryvajecca numar apytańniem ARCHE pra budučyniu słavianskaj idei, na jakoje adkazvajuć, siarod inšych, Śviatłana Aleksijevič, Źbihnieŭ Bžezinski, Jury Chadyka. Pradmovu da numaru napisaŭ Sakrat Janovič.
№ 5 — 2000. Tema numaru — «Adam Hłobus»
U vydańni publikujucca hutarki z Adamam Hłobusam, zapisanyja Alaksandraj Andryjeŭskaj («Hulni z narodam»), teksty Adama Hłobusa i pra Adama Hłobusa (Andrej Savicki i Nadzieja Sadzikava). Taksama ŭ numary: Kamasutra; albomnaja proza (Francišak Chłus, Marcin Jur) i albomnaja liryka (Uładzimier Karatkievič, Halina Bułyka, Leanid Drańko-Majsiuk) i inš.
Cana 199 tys.
7 — 2000. Tema numara — «Słoŭnik Svabody»
«Słoŭnik Svabody». Taki nazoŭ redakcyja «ARCHE» dała letašniamu kanceptualnamu prajektu Biełaruskaj słužby Radyjo Svaboda «Słova dnia». Štodzień na praciahu ŭsiaho 1999 hodu ŭ vyznačany čas na chvalach «Svabody» hrymieli «słovy», ahučanyja žyvym hołasam ich aŭtaraŭ. Ciapier «słovy» možna pračytać i na papiery. (Z pradmovy da numara).
№ 9 — 2000. Tema numaru — «Medycyna»
U numary: Ihar Sarokin «Psychičnyja parušeńni ŭ niezaležnaj Biełarusi», Vital Košaleŭ «Patahienez biełaruskaha mentalitetu», Aleś Naŭrocki «Liryka». Taksama ŭ numary publikujucca vieršy Ludki Silnovaj, Valanciny Aksak, Andreja Chadanoviča, Mikoły Ramanoŭskaha; Listy Ŭładyki Vasila (Tamaščyka) da Jurki Vićbiča i inš.
№ — 2002
U hetym numary: «Amerykanski dziońnik» Słavamira Adamoviča, vieršy Alesia Razanava i Usievałada Harački, apaviadańnie Uładzimiera Arłova «Maša i Miadźviedzi» i h.d. Siarod aŭtaraŭ numara — Alaksandr Nadsan, Mikałaj Bukčyn, Siamion Bukčyn, Ivan Micin, Mikoła Rabčuk, Siarhiej Bałachonaŭ i inš.
№ 2 — 2002. Tema numaru — «Našy dzietki»
U vydańni publikujucca zhadki pra dziacinstva (Zinaida Bandarenka, Ihar Maračkin, Julija Drančuk, Uładzimir Ceśler i h.d.), apoviedy pra dziacinstva (Alaksiej Baciukoŭ, Sieviaryn Kviatkoŭski, Jeva Viežnaviec, Leanid Hałubovič i inš.), hutarka sa Źmicieram Saŭkam «Vychavańnie — heta nia tolki mova», zaciemki Adama Hłobusa «Dačka», a taksama «Alesiny pryhody ŭ dzivosnaj krainie» Luisa Kierała i inš.
№ 3 — 2002. Tema numaru — «Andrej Chadanovič»
U vydańni publikujucca vieršy i pierakłady Andreja Chadanoviča, ahlady jaho tvorčaści (Kanstancin Michiejeŭ, Maryja Martysievič, Uładzimier Arłoŭ i inš.), hutarka Śviatłany Kurs z Andrejem Chadanovičam. Taksama ŭ numary publikujucca: recenzija Uładzia Harbackaha «Razvahi ab hiejskim pytańni», «Mały Apakalipsis» Tadevuša Kanvickaha (pier. A. Piatkieviča pry ŭdziele V. Bułhakava), «Listy Jana Stankieviča da Antona Adamoviča» i h.d.
№ 2 — 2003. Tema numaru — «Tumannaści biełaruskaj historyi»
U vydańni publikujucca: vyniki apytańnia «Z čaho, na Vašuju dumku, pačałasia (pačynajecca) nacyjanalnaja historyja Biełarusi j čym jana skončycca?», stenahrama kruhłaha stała pa prablemach biełaruskaj histaryjahrafii «Miž ajčynnym čytačom i zamiežnym kaleham» (udzieł brali Hienadź Sahanovič, Zachar Šybieka, Juraś Lichtarovič, Vacłaŭ Areška, Aleś Smalančuk, Pavał Cieraškovič, Alaksiej Chadyka, Valancin Hołubieŭ, Viačasłaŭ Nasievič, Uładzimier Arłoŭ, Ihar Lalkoŭ, Andrej Dyńko, Valer Bułhakaŭ), artykuł Anatola Sidareviča «Pravobraz Aktu 25 sakavika», litaraturnyja tvory Ryhora Baradulina, Anatoja Trafimčyka, Ludki Silnovaj, Andrusia Chrapavickaha i inš.
№ 4 — 2003. Tema numaru — «Česki albom»
Vacłaŭ Havał, Jan Maksimiuk, Jozaf Kroŭtvar, Natala Prystupa, Siarhiej Smatryčenka, Ivan Adziła Štampach, Michał Viveh, Miłaš Urban, Jachim Topał i inš. Taksama ŭ numary: raźvitańnie z Bykavym (Słavamir Adamovič, Valancin Akudovič, Aleś Ancipienka, Jury Paciupa, Viera Ryč, Jaŭhien Śviarściuk, Maksim Ščur, Siarhiej Šydłoŭski); stenahramy apytańnia «ARCHE» Jakija plusy j minusy dla krainy budzie mieć treci termin prezydenctva Alaksandra Łukašenki? i kruhłaha stała «Taraškievica — narkamaŭka: składanaje zbližeńnie» i inš.
№ 5 — 2003. Tema numaru — «Vilenskaja antalohija»
Daniła Žukoŭski, Česłaŭ Miłaš, Vital Zajka, Andranik Antanian, Sakrat Janovič, Aleś Arkuš, Mikoła Nikałajeŭ, Alaksandar Frydman, Kšyštaf Čyžeŭski. Taksama ŭ numary publikujucca: miemuary Viačasłava Adamčyka «Dziońnik 1998″, uspaminy Valancina Tarasa «Na Vajskovych mohiłkach» i inš.
№ 3 — 2004
Pieršy Połacki numar.U numary: Aleh Łatyšonak «Doŭhaje viartańnie ŭ Połacak», Vitaŭt Kipiel «Połacak u farmavańni biełaruskaha nacyjanalnaha śvietahladu», Siarhiej Šydłoŭski «Źbirańnie Połacku «, Janka Bryl «Čatyry sustrečy z Safijaj», hutarka z Uładzimieram Arłovym «Lenin nia raz byvaŭ u Połacku…» i inš. Siarod aŭtaraŭ numara – Hierman Kiryłaŭ, Viktar Žybul, Imanuił Valerstajn, Uładzimier Łobač, Lena Hłahoŭskaja, Pavał Abramovič i inš.
№ 7-8 — 2006
Centralnaja tema numara – rujnavańnie dyktatur. Adkryvajecca numar artykułam Vitala Silickaha «Pamiatać, što dyktatury rujnujucca». Akramia taho, u rubrycy Historyja publikujecca šerah artykułaŭ češskich aŭtaraŭ, pryśviečanych padziejam 1960-1980-ch hh. u Čechasłavakii (Petar Błažak, Jarasłaŭ Cuhra, Miłan Otohał, Lubaš Veseły i inš.). U rubrycy Krytyka drukujecca recenzi Vitala Silickaha na knihu Aleha Ałkajeva «Rasstrielnaja komanda». Siarod aŭtaraŭ numara – Piotra Rudkoŭski, Pavał Usaŭ, Andrej Chadanovič, Mikałaj Ilkievič, Pavał Abramovič, Tom Karozers, Jan Maksimiuk i inš.
№ 3 — 2011. Tema numaru — «Paleśsie: narody, ułady i vojny»
Numar pryśviečany biełaruskamu Paleśsiu. U im sabranyja histaryčnyja, etnalahičnyja, etnasacyjalahičnyja, krytyčnyja j inšyja daśledavańni j materyjały, pryśviečanyja rehijonu. Časopis źmiaščaje karty paleskaj tapanimiki, redki padbor fotazdymkaŭ Paleśsia mižvajennaha času, jakija byli znojdzienyja da traktatu polskaha sacyjolaha Juzefa Abremskaha, praca jakoha taksama źmieščana u numary. Siarod inšych temaŭ aŭtarka Darota Michaluk aśviatlaje sprečku vakoł Paleśsia j sprobu vyznačeńnia dziaržaŭnaj miažy pamiž BNR i UNR viasnoj 1918 hodu.
№ 7-8 — 2011. Tema numaru — «Praź śviaty — da dušy»
U prapanavanym numary tema śviatočnaj kultury Biełarusi razhladajecca ŭ roznych aśpiektach i z roznych punktaŭ hledžańnia. Tut znajšłosia miesca i dla adlustravańnia śviatočnych tradycyj, raspaŭsiudžanych na biełaruskich ziemlach u pieryjad ich znachodžańnia ŭ składzie Vialikaha Kniastva Litoŭskaha i Rečy Paspalitaj (artykuły Natalli Śliž, Alaksandry Vieraščahinaj, Hanny Paŭłoŭskaj, Ludmiły Rohač), Rasijskaj impieryi (teksty Volhi Papko, Volhi Sabaleŭskaj, Iny Sorkinaj), niamieckaj akupacyi Biełarusi časoŭ Druhoj suśvietnaj vajny (materyjał Alaksandra Frydmana), paślavajennaha Savieckaha Sajuza (publikacyja Jana Šumskaha). Nie abyjdzienyja ŭvahaj i šmatviakovyja admietnyja śviatočnyja tradycyi biełaruskaj viaskovaj supolnaści, pradstaŭlenyja ŭ tekstach etnołahaŭ Taćciany Kucharonak, Taćciany Vałodzinaj i Iryny Machoŭskaj. Śpiecyficy adznačańnia śviatočnych dzion i pamiatnych dataŭ u sučasnym biełaruskim hramadstvie, va ŭmovach jaho ideałahičnaha padziełu, pryśviečanyja artykuły historyka ź Biełastoka Aleha Łatyšonka i minskaha fiłosafa Arsienija Sivickaha. (Z pradmovy da numara)
№ 9 — 2011. Tema numaru — «Aŭstryja: ad impieryi da nacyi»
U numary: eseistyka Roberta Menase, Karła-Markusa Haŭsa, Marcina Połaka; uspaminy Štefana Cvajha; analityka Žanny Kromier, Jarasłava Šebeka; histaryčnyja daśledavańni Aleha Hardzijenki i Natali Novik; pierakłady kłasikaŭ i sučaśnikaŭ aŭstryjskaj litaratury — Franca Kafki, Rajnera Maryja Rylkie, Artura Šniclera, Inhieborh Bachman, Fryderykie Majrokier, Tomasa Berncharda, Elfryde Jelinek… Hetyja i inšyja aŭtary — u 9-m numary za 2011 hod na 450 staronak ź ilustracyjami.
№1-2 — 2014. Tema numaru — «Historyja Biełarusi XIX st. u miemuarach»
U materyjałach numara adlustravanyja raznastajnyja niuansy štodzionnaha žyćcia hramadstva XIX st. i źmieny, jakija ŭ im adbyvalisia. Pry hetym pad uvahu ŭ toj ci inšaj stupieni patrapili praktyčna ŭsie tahačasnyja sacyjalnyja płasty i katehoryi: vyšejšaja arystakratyja, siaredniaja i drobnaja šlachta, miaščanie, duchavienstva, pryhonnyja sialanie, pradstaŭniki nacyjanalnych mienšaściaŭ i inš. Siarod aŭtaraŭ numara – Volha Harbačova, Ina Sorkina, Siarhiej Tokć, Alaksandr Radziuk, Anatol Ścieburaka i inšyja.
№4 — 2014. Tema numaru — «Architekturnaja spadčyna: historyja razbureńniaŭ i rekanstrukcyj»
Numar całkam pryśviečany razhladu sučasnaha stanu rečaŭ, jaki skłaŭsia ŭ Biełarusi z achovaj architekturnych pomnikaŭ, i sprobaŭ, skiravanych na jaho palapšeńnie. Siarod aŭtaraŭ numara – Siarhiej Chareŭski, Iryna Łaŭroŭskaja, Valera Rusielik, Ściapan Sturejka, Taćciana Vadałažskaja i mnohija inšyja daśledčyki i hramadskija aktyvisty jak sa stalicy, tak i z rehijonaŭ.
№ 7-8 — 2014. Tema numaru — «Zachodniaja Biełaruś. Mižvajenny pieryjad»
Numar całkam pryśviečany roznym aśpiektam historyi Zachodniaj Biełarusi ŭ 1921—1939 hh., kali hetaja terytoryja ŭvachodziła ŭ skład Polščy. Siarod aŭtaraŭ numara — Ježy Tamašeŭski, Anatol Trafimčyk, Andrej Vaškievič, Andrej Čarniakievič, Aleś Bieły, Vital Voranaŭ, Ściapan Sturejka i inš.