Siońnia na sajcie nn.by adbyłasia anłajn-kanfierencyja z muftyjem Duchoŭnaha ŭpraŭleńnia musulman Biełarusi Ali Varanovičam.
Ali Varanovič naradziŭsia ŭ Minsku ŭ 1968 hodzie ŭ tatarskaj siamji. Jaho baćka Ismaił Varanovič taksama byŭ muftyjem DUM. Ali Varanovič słužyŭ na fłocie. Zatym atrymaŭ vyšejšuju adukacyju ŭ Biełaruskaj dziaržaŭnaj politechničnaj akademii, paśla zakančeńnia jakoj pracavaŭ inžynieram-kanstruktaram. Pačaŭ aktyŭna zajmacca relihijnaj dziejnaściu ad pačatku 90-ch hadoŭ. U 1998 hodzie byŭ abrany ŭ skład muftyjata Musulmanskaha relihijnaha abjadnańnia Biełarusi. Z 2004 hoda pastajanna pracuje ŭ Duchoŭnym upraŭleńni, spačatku ŭ jakaści sakratara, a zatym imama-chatyba (pramaŭlaje padčas piatničnaj słužby i ŭ relihijnyja śviaty). Ali Varanovič ŭ 2009 hodzie skončyŭ vučobu na zavočnym adździaleńni Kazanskaha vyšejšaha musulmanskaha miedrese «Muchamadyja». U 2014 skončyŭ bakałaŭryjat Rasijskaha isłamskaha ŭniviersiteta pa śpiecyjalnaści «Teałohija». Žanaty, haduje čatyroch dziaciej.
Svaje pytańni da muftyja Varanoviča vy možacie pakidać kamientarami da hetaj publikacyi.