Dziaržaŭnaja avijacyjnaja słužba Ukrainy zabaraniła ŭsim ukrainskim avijapieravoźnikam płanavać paloty nad Sinajskim paŭvostravam. Adpaviednaje rasparadžeńnie apublikavana na sajcie viedamstva.
Avijapieravoźnikam taksama pradpisvajecca ŭvažliva adsočvać vydańnie adpaviednych NOTAM (paviedamleńni ab źmienach u praviłach praviadzieńnia palotaŭ i aeranavihacyjnaj infarmacyi) adnosna vykarystańnia častki pavietranaj prastory Kipra.
Raniej rasijskija avijapieravozčyki adkarektavali maršruty palotaŭ z punktam prylotu i vyletu Šarm-eš-Šejch.
Napiaredadni ŭłady Vialikabrytanii zajavili, što rejsy brytanskich avijakampanij u Šarm-eš-Šejch i nazad buduć admienienyja na niapeŭny čas z-za mierkavańniaŭ biaśpieki.