Jaŭhien Baryšnikaŭ, Siarhiej Bašłykievič,:B:N: akustyčna, BosaeSonca, Źmicier Vajciuškievič & W-Z Orkiestra, ILO&friends, Navi dy Tryjo z Alaksandram Jasinskim - heta zorki sioletniaha, CHCHII-ha ŭžo Fiestyvalu biełaruskaj bardaŭskaj dy aŭtarskaj pieśni «Bardaŭskaja vosień» 2015. Kłasičnyja bardy, stvaralniki aŭtarskich piesień dy akustyčnyja prahramy rok-hurtoŭ: «Bardaŭskaja Vosień» heta fiestyval, jaki starajecca adlustroŭvać aktualny stan biełaruskaj aŭtarskaj pieśni ŭ mnohich płaščynach, spałučajučy ŭ sabie roznyja styli dy nakirunki.
Konkurs
Chacia ŭvaha hledačoŭ źviartajecca pieradusim na proźviščy zorak, najvažniejšym elemientam Bardaŭskaj Vosieni źjaŭlajecca konkursnaja častka Fiestyvalu. Z38 kankursantaŭ žury adabrała 10 vykanaŭcaŭ, jakija vystupiać na konkursie ŭ Bielsku Padlašskim. Historyja «Bardaŭ» pakazvaje, što konkursy źjaŭlajucca važnaj źjavaj na biełaruskaj muzyčnaj scenie. Dziakujučy konkursu, u muzyčnaj prastory pačali svoj šlach nadzvyčaj cikavyja mastackija źjavy, hurty, jakija paśla debiutu na bielskaj scenie paźniej damahlisia značnych pośpiechaŭ na muzyčnym rynku.
Što / dzie / kali?
Ciaham 3 fiestyvalnych dzion (6 - 8 listapada 2015 h.) amatary aŭtarskaj pieśni zmohuć prysutničać na kancertach, arhanizavanych u Bielskim Domie Kultury ŭ Bielsku Padlašskim dy ŭ Kamieralnaj Zali Padlašskaj Opiery i Fiłarmonii ŭ Biełastoku. U čaćvier (5 listapada) projduć kancerty ŭ Muziei i Asiarodku Biełaruskaj kultury ŭ Hajnaŭcy,. Dla tych, kamu budzie mała biełaruskaj bardaŭskaj dy aŭtarskaj pieśni paśla vizitu ŭ Opieru, arhanizatary zaprašajuć na kancerty ŭ Narvu, Ščyty-Dzienciałova, Orlu dy Naraŭku. Z novaj aktualnaj prahramaj možna paznajomicca ŭ rubrycy »Prahrama» na sajcie www.vosien.org.
«Bardaŭskaja vosień»
Sioleta Fiestyval «Bardaŭskaj vosień» budzie prachadzić užo 22-i raz. Heta nadalej najbolšy nie tolki ŭ Jeŭropie, ale i va ŭsim śviecie fiestyval takoha typu pryśviečany biełaruskim bardam. «Bardy» imknucca adlustravać aktualny stan biełaruskaj aŭtarskaj pieśni va ŭsich jaje formach, spałučajučy ŭ sabie mnoha stylaŭ i nakirunkaŭ. Siarod udzielnikaŭ fiestyvalu jak kłasičnyja bardy, bluzmeny, akustyčnyja rok-hurty, folk-rokavyja vykanaŭcy, hetak i mnohija inšyja pradstaŭniki biełaruskaj aŭtarskaj muzyki. Štohod na fiestyvalnaj scenie haściujuć viadomyja biełaruskija muzyki, dziakujučy čamu «Bardaŭskaja Vosień» atrymała status mierapryjemstva vysokaha mastackaha ranhu.
Arhanizataram Fiestyvalu źjaŭlajucca «ŠČYTY» – Źviaz u karyść adukacyi i pramocyi biełaruskaj kultury.
Mierapryjemstva nie adbyłasia b bieź finansavaj padtrymki Ministra Administracyi i Ličbavizacyi, horada Biełastoka (Haradskaja Ŭprava ŭ Biełastoku) i Maršałkoŭskaj Upravy Padlašskaha vajavodstva ŭ Biełastoku.
PRAHRAMA 22-ha Festyvalu biełaruskaj bardaŭskaj dy aŭtarskaj pieśni «Bardaŭskaja vosień — 2015»
6 listapada 2015 (piatnica)
Adkryćcio Fiestyvalu
Konkursnaja častka
Kancert zorak:
• NAVI
• Siarhiej Bašłykievič
• Źmicier Vajciuškievič & W-Z Orkiestra
7 listapada 2015 (subota)
Kancert łaŭreataŭ konkursu
Kancert zorak:
• Tryjo z Alaksandram Jasinskim
• ILO&friends
• Jaŭhien Baryšnikaŭ
•:B:N: akustyčna
8 listapada 2015 (niadziela)
15.00 Biełastok — «Padlašskaja opiera i fiłarmonija» –- Jeŭrapiejski centr mastactva
Kancert łaŭreata ŭznaharody Grand Prix
Kancert zorak:
• BosaeSonca
• NAVI
Prahrama supravadžalnych mierapryjemstvaŭ:
5 listapada 2015 (čaćvier)
Kancert: Siarhiej Bašłykievič
9 listapada 2015 (paniadziełak)
12.00 Ščyty-Dzienciałova -– «Centr adukacyi i pramocyi biełaruskaj kultury»
Kancert:
• Jaŭhien Baryšnikaŭ
