Francyja nakiroŭvaje na Blizki Uschod avijanosiec «Šarl de Hol» dla padtrymki apieracyj kaalicyi pa baraćbie z ekstremisckaj hrupoŭkaj «Isłamskaja dziaržava», havorycca ŭ paviedamleńni Jelisiejskaha pałaca.
U zajavie administracyi Alanda taksama havorycca, što Paryž padtrymlivaje namahańni pa palityčnym urehulavańni situacyi ŭ Siryi, adnak prezident Bašar Asad nie moža być častkaj budučyni Siryi.
Raniej Francyja ŭžo nakiroŭvała avijanosiec na dapamohu vojskam mižnarodnaj kaalicyi, jakija viaduć baraćbu z džychadzistami ŭ Iraku i Siryi.
Adziny dziejny avijanosiec VMS Francyi «Šarl de Hol» dałučajecca da vojskaŭ mižnarodnaj kaalicyi, jakija viaduć baraćbu z džychadzistami «Isłamskaj dziaržavy» ŭ Iraku i Siryi.
Zvyčajna fłahman francuzskich VMS u pachodzie supravadžajuć niekalki nadvodnych karabloŭ i ŭdarnych submaryn.
Francuzskaja avijacyja ź vieraśnia minułaha hoda prymaje ŭdzieł u apieracyjach suprać bajavikoŭ «Isłamskaj dziaržavy». Ź vieraśnia hetaha hoda francuzskija vajskoŭcy pačali nanosić ŭdary pa pazicyjach džychadzistaŭ u Siryi.
Prysutnaść avijanosca na Blizkim Uschodzie značna skarocić šlach, jaki davodziłasia pieraadolvać źniščalnikam da Iraka i Siryi.