U Biełarusi ŭ pierśpiektyvie budzie ŭviedzienaje strachavańnie ad biespracoŭja, paviedamiŭ pieršy namieśnik ministra pracy i sacyjalnaj abarony Andrej Łabovič siońnia padčas anłajn-kanfierencyi na sajcie ministerstva.
Pieršy namieśnik ministra adznačyŭ, što raspracoŭka prapanoŭ pa raźvićci ŭ respublicy sistemy strachavańnia ad biespracoŭja praduhledžana mierapryjemstvami padprahramy «Sadziejničańnie zaniataści nasielnictva» na 2016-2017 hady, jakaja ŭvojdzie ŭ skład Dziaržaŭnaj prahramy «Sacyjalnaja abarona i sadziejničańnie zaniataści 2016-2020».
«Zakanadaŭstva inšych krain u hetym pytańni ŭ značnaj stupieni adroźnivajecca, što nie dazvalaje kazać ab adzinych padychodach u arhanizacyi sistemy strachavańnia ad biespracoŭja, — skazaŭ Andrej Łabovič. — U Biełarusi pry raspracoŭcy sistemy strachavańnia ad biespracoŭja buduć uličanyja najbolš prymalnyja dla našaj krainy padychody».
