Vierš Maryny Ćviatajevaj u biełaruskim pierakładzie Lavona Barščeŭskaha. Śpiavaje Palina Respublika.
Tekst:
Mnie ŭściešna, što Vy chvoryja nie mnoj,
Mnie ŭściešna, što ja chvoraja nie Vami,
Što vosi zraŭnavažanaść ziamnoj
Nie zrušycca pad našymi nahami.
Mnie ŭściešna, što biez pychi ledzianoj
Mahu być z Vami — j nie chitryć vačami,
Nie čyrvanieć, nie bavicca manoj, —
Adno sudakranacca rukavami…
Mnie ŭściešna, što nie soramna ani
Pry mnie Vam abdymać jaje, druhuju,
Što Vy mnie nie praročycie ŭ ahni
Piakielnym być, bo ja nie Vas całuju,
Što Vy imia ź piaščotaj dzień pry dni
Majo nie paŭtarajecie ŭpustuju
I što siarod carkoŭnaj cišyni
Nikoli nie śpiajuć nam: aliłuja!
Ja ŭdziačnaja Vam sercam i dušoj
Za toje, što, nia viedajučy sami,
Vy lubicie mianie; za moj spakoj,
Za našy niehulańni viečarami,
Za poŭniu, što nie ŭ nas nad hałavoj,
Za toje, što nie bačylisia dniami,
Što ŭsio ž — na žal! — Vy chvoryja nie mnoj,
Što ŭsio ž — na žal! — ja chvoraja nie Vami.
