Miždziaržaŭny avijacyjny kamitet adklikaŭ siertyfikat typu ŭ abiedźviuch madyfikacyj samalotaŭ Boeing-737 (Classic i NG), ekspłuatavanych rasijskimi avijapieravozčykami.

Pra heta paviedamlaje rasijski «Interfaks» sa spasyłkaj na krynicu ŭ adnoj z avijakampanij.

U Rasavijacyi «Interfaksu» paviedamili, što paviedamleńnie pastupiła ŭ ahienctva pa elektronnaj pošcie.

«Aryhinalnaha asobnika ŭ nas niama. Tym nie mienš, my bačym nieabchodnaść apieratyŭna reahavać na situacyju, jakaja skłałasia, tamu zaŭtra ŭ Rasavijacyi adbudziecca narada z udziełam avijakampanij-ekspłuatantaŭ Boeing-737, staršyni MAK Taćciany Anodzinaj i staršyni Avijacyjnaha rehistra MAK Uładzimira Biaspałava», — skazali u Rasavijacyi.

Krynica «Interfaksa» paviedamiła, što MAK zaniepakojeny biaśpiekaj ekspłuatacyi samalotaŭ hetaha typu. Surazmoŭca dadaŭ, što hetaje rašeńnie kamiteta moža pryvieści da adnamomantavaha spynieńnia ŭsiaho rasijskaha parku Boeing-737.

Boeing-737 źjaŭlajecca samym papularnym pasažyrskim samalotam u śviecie. U tym liku, hetyja samaloty składajuć asnovu parku najbujniejšych rasijskich avijapieravozčykaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0