Urad Finlandyi znachodzicca na miažy rospusku z-za reformy sacyjalnaj achovy zdaroŭja. Sprečka tyčycca kolkaści aŭtanomnych rehijonaŭ sacachovy zdaroŭja, paviedamlaje Yle.
Premjer-ministr Jucha Sipila prapanuje stvaryć novuju sistemu na asnovie 18 aŭtanomnych rehijonaŭ sacachovy zdaroŭja, u toj čas jak u partyjnych orhanach kaalicyjnaj partyi pryniata rašeńnie ab tym, što aŭtanomnych rehijonaŭ pavinna być nie bolš za 12.
Staršyni troch kirujučych partyj abmierkavali situacyju ŭ budynku Dziaržsavieta, paśla čaho Sipila adpraviŭsia ŭ budynak parłamienta, kab pryniać udzieł u schodzie parłamienckaj frakcyi «Praŭdzivych finaŭ».
Pavodle infarmacyi ŚMI, Sipila pryhraziŭ raspuścić urad, kali jaho prapanova nie budzie pryniata da 18 hadzin.
Paźniej stała viadoma, što Sipila daŭ kaalicyjnaj partyi dazvoł razhledzieć jaho ultymatum adnosna reformy ŭ subotu. U toj ža čas prapanovu premjera budzie abmiarkoŭvać parłamienckaja frakcyja kaalicyjanieraŭ.
Sprečnymi momantami reformy zastajucca rehijanalnaja struktura sistemy sacachovy zdaroŭja, a taksama status pryvatnych i dziaržaŭnych kampanij pa vytvorčaści pasłuh sacachovy.
Reforma staić na paradku dnia palityčnych partyj Finlandyi z 2011 hoda. Papiaredni ŭrad nie zdoleŭ davieści reformu da paśpiachovaha finału, tamu reformaj znoŭ zaniałosia novy ŭrad Sipila.
