U siaredzinie kastryčnika na vystavie AUSA byli pakazany novyja tanki, raspracavanyja dla amierykanskich vajskoŭcaŭ, adzin ź jakich dakładna pojdzie na ŭzbrajeńnie, paviedamlajuć ŚMI, jakija pracujuć u halinie VPK.
M1 Abrams, fota tanki-tut.ru
Razmova najpierš pra tank M1 Abrams u kamplektacyi M1A2 SEP V3. Heta čarhovaja madernizacyja asnoŭnaha tanka amierykanskaj armii. Tank atrymaŭ novuju sistemu aktyŭnaj abarony, palepšanuju ramontazdolnaść, pašyranyja bajavyja zdolnaści, lepšuju elektroniku i sistemy suviazi.
Praź sistemu Ammunition DataLink (pieradača dadzienych da bojeprypasaŭ) tank moža vykarystoŭvać kampjutarna zaprahramavanyja snarady z padryvam ŭ pavietry na vyznačanaj adlehłaści, to bok biez kantaktu snarada ź pieraškodaj.
Pry hetym padčas vyznačeńnia dystancyi padryvu snarad moža ŭžo znachodzicca ŭ zatvory harmaty.
Tank novaj kancepcyi prapanavała brytanskaja karparacyja BAE Systems. ELT — Ekśpiedycyjny lohki tank — stvorany dla padtrymki sił śpiecyjalnych apieracyj i moža desantavacca z samalotaŭ, u tym liku na parašucie.
ELT, fota defence-blog.com
Brytancy vykarystali pry madelavańni mašyny napracoŭki, jakija byli atrymanyja pry stvareńni šviedskich bajavych mašyn piachoty CV90 i BMP Bradley.
Lohki tank maje 105 mm harmatu z aŭtamatyčnaj sistemaj zaradžańnia, što dazvalaje vieści ahoń z chutkaściu da 12 strełaŭ u chvilinu. Tank uzbrojeny taksama dvuma kulamiotami kalibru 7,67 i 12,7 mm, a taksama hranatamiotnaj ustanoŭkaj.
Lohki tank, u zaležnaści ad umoŭ vykarystańnia, moža mieć try stupieni braniravańnia i, adpaviedna, masu ad 18 da 23,5 t.