U kancy kastryčnika KDB raspavioŭ pra toje, što telefony bolš za 2 tysiačy biełaruskich čynoŭnikaŭ, žurnalistaŭ i vajennych prasłuchoŭvali. Na zakazčykaŭ była zaviedzienaja bolš za 20 kryminalnych spraŭ.
— Na praciahu troch hadoŭ ŭdzielniki złačynnaj hrupy ažyćciaŭlali dziejnaść pa prasłuchoŭvańni pamiaškańniaŭ, telefonnych pieramovaŭ, uzłomie elektronnaj pošty, akaŭntaŭ Skype, Viber, WhatsApp, sacyjalnych sietak. Apłata pasłuh ažyćciaŭlałasia praz zakanśpiravanuju schiemu pieravoda hrašovych srodkaŭ z vykarystańniem elektronnych kašalkoŭ, — raspaviali 29 kastryčnika ŭ pres-słužbie Kamiteta dziaržaŭnaj biaśpieki. Siarod zakazčykaŭ prasłuchvańniaŭ — kala 1,5 tysiačy čałaviek. Raspačata sprava pa častcy 2 artykuła 376 KK RB. Sankcyja artykuła - pazbaŭleńnia voli terminam da 4 hadoŭ.
— Kaho prasłuchoŭvali? — źviarnułasia kp.by da staršyni KDB Valeryju Vakulčyku.
— Heta sprava nosić pobytavy charaktar. Žonka źviartałasia prasłuchać muža, muž — žonku. Było niekalki epizodaŭ — pa ich my jašče raźbirajemsia — z nahody niekalkich słužbovych asob. Heta adzin namieśnik načalnika padraździaleńnia MUS, adzin dyrektar pradpryjemstva, mytnik, słužbovaja asoba MNS. Pa ich jašče nie ŭsio zrazumieła. Vielmi šmat ludziej — farmalna jość skład złačynstva. Ale muž i žonka mohuć prymirycca, u takim vypadku my budziem abaviazany admović u zaviadzieńni kryminalnaj spravy.
— Išła havorka pra toje, što prasłuchoŭvali žurnalistaŭ.
— Z nahody žurnalistaŭ niedziaržaŭnych ŚMI ja nie mahu skazać. Dakładna jość adzin žurnalist dziaržaŭnaha ŚMI. Ale hetaja prasłuška taksama nosić pobytavy charaktar. Amal usich słuchali z nahody kachankaŭ i reŭnaści.
— Chto heta rabiŭ?
— Prasłuški arhanizoŭvała hrupa. A potym užo, naprykład, zakazčyk-žonka, jakaja źviarnułasia, sama słuchała muža. Hrupa rabiła technična tak, kab jana sama słuchała. Heta hrupa vielmi tałkovych maładych ludziej. Sioje-jakoje abstalavańnie jany zakuplali za miažoj. Jany zatrymanyja, znachodziacca ŭ nas u SIZA.
