Avaryja na ŭskrainie Vierchniadźvinska adbyłasia daloka za poŭnač. Tak atrymałasia, što pakalečanych sužycielaŭ na trasie vypadkova vyjaviła śledčy rajonnaha adździeła SK. U vyniku pa «haračych śladach» było raskryta adrazu dźvie kryminalnyja spravy.

Namieśnik prakurora Vierchniadźvinskaha rajona Vital Tamaševič raspaviadaje padrabiaznaści:

«U toj viečar para viesieła baviła čas u haściach u siabra. Ale sabutelnikam nie pašanciła — kali 50-hadovy sužyciel vyjšaŭ u kramu za dabaŭkaj, byŭ zatrymany supracoŭnikami milicyi. Pakul nie praćvierazieŭ, trymali ŭ pastarunku. Adpuścili pozna ŭnačy. Uvieś hety čas siabroŭka ciarpliva čakała dabraviernaha u haściach, a kali toj viarnuŭsia — vyrašyli pajści da jaho dadomu ŭ viosku ŭ dvuch kiłamietrach ad rajcentra».

Adnak svaje siły paračka vidavočna nie raźličyła — damie niečakana stała kiepska. Kavaler tut ža znajšoŭ vyjście — prychapiŭ z padjezdu čužy dziciačy vazok biełaha koleru i pavioz u im 42-hadovuju siabroŭku dadomu.

«Kartež» udała prajšoŭ pa centralnych vulicach horada i vyjechaŭ na ŭskrainu. Pa fatalnym źbiehu abstavinaŭ mienavita pa hetaj darozie paśla anałahičnaj viečarynki ŭ bary dadomu z pjanym u dym pasažyram viartaŭsia taki ž pjany 30-hadovy chłopiec.

U vyniku «žyhuli» źnieśli z trasy ekipaž dziciačaha vazka. Pierapałochany kiroŭca lehkavika spyniŭsia tolki na siekundu, i, razhledzieŭšy, što narabiŭ, irvanuŭ naŭcioki.

Vital Tamaševič kanstatuje: «U vyniku DTZ vykradalnik dziciačaha vazka (raniej užo nieadnarazova sudzimy za kradziažy) atrymaŭ ciažkija cialesnyja paškodžańni — pierałomy noh. U jaho pasažyrki pałamanyja rebry. Kiroŭcu «Žyhuloŭ» zatrymali i asudzili da 5 hadoŭ pazbaŭleńnia voli za kiravańnie transpartam u pjanym vyhladzie i pakidańnie ŭ niebiaśpiecy źbitych na darozie ludziej. Mužčyna, jaki tak kranalna pakłapacŭsia ab svajoj damie, praviadzie ŭ źniavoleńni paŭtara hoda. Akramia kradziažu vazka, jamu inkryminavali jašče adno złačynstva — niezadoŭha da avaryjna-ramantyčnaha padarožža jon źbiŭ svaju papiaredniuju siabroŭku».

Akramia hetaha, udakładnili ŭ prakuratury, kiroŭca aŭto budzie vymušany vypłacić pakalečanamu recydyvistu 20 miljonaŭ rubloŭ u jakaści kampiensacyi maralnaj škody.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?