Francuzski satyryčny časopis Charlie Hebdo apublikavaŭ karykatury pra krušeńnie rasijskaha pasažyrskaha samalota ŭ Jehipcie. Na adnym z malunkaŭ padajučyja ź nieba cieły i abłomki A321 paraŭnali z bambavańniami ŭ Siryi.

Global Look Press

Global Look Press

U śviežym numary vydańnia, viadomaha svaimi pravakacyjnymi publikacyjami, tema trahiedyi abyhryvajecca adrazu ŭ dvuch malunkach. Abiedźvie karykatury raźmieščanyja na apošniaj staroncy ŭ rubrycy «Vokładki, jakich vy paźbiehli». Jak i maje na ŭvazie nazva, u hetym raździele zvyčajna publikujucca varyjanty malunkaŭ, jakija byli prapanavanyja supracoŭnikami redakcyi dla afarmleńnia tytulnaj staronki vypusku, adnak byli adprečanyja.

Na pieršaj karykatury namalavany baradaty mužčyna ŭ bieduinskaj vopratcy i z aŭtamatam, na jakoha padajuć abłomki samalota — ruchavik, šasi, kavałki fiuzielaža, a taksama adzin z pasažyraŭ samalota. Podpis paviedamlaje: «Isłamskaja dziaržava»: Rasija intensifikuje bambavańni».

Druhaja karykatura maje nazvu «Niebiaśpieka rasijskich łaŭkostaŭ» i abyhryvaje francuzski skandał u suviazi ź niezakonnym abarotam narkotykaŭ z udziełam dvuch piłotaŭ, aryštavanych u Daminikanskaj respublicy. Skandał, jaki ŭskosna źviazali ź imiem eks-prezidenta Nikala Sarkazi, u ŚMI prazvali «Air Cocaine». Na karykatury čerap z žyvymi vačyma na fonie pałajučaha samalota kanstatuje: «Treba było mnie lacieć Air Cocaine».

Aficyjny pradstaŭnik MZS RF Maryja Zacharava prakamientavała incydent, napisaŭšy ŭ svaim fejsbuku: «Jašče chtości Šarli?», majučy na ŭvazie rezanansnuju akcyju «Ja — Šarli» (Je suis Charlie), jakaja prajšła paśla teraktu ŭ redakcyi časopisa.

U studzieni ŭ redakcyi Charie Hebdo adbyŭsia rezanansny terakt: dvoje musulman, niezadavolenych karykaturami na praroka Muchamieda, učynili bojniu ŭ ofisie vydańnia. Zahinuli 12 čałaviek: 10 žurnalistaŭ, uklučajučy hałoŭreda vydańnia Stefana Šarbano, a taksama dvoje palicejskich, jakija achoŭvali budynak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?