Pošukava-ratavalny atrad «Anioł» abjaviŭ na ranicu 7 listapada zbor pošukavaj hrupy dla vyšuku viadomaj biełaruskaj lohkaatletki Julii Bałykinaj, treniera BFST «Dynama».
Vałancioraŭ źbirajuć u rajonie stancyi mietro «Uručča», na prypynku hramadskaha transpartu na vyjezd z horada.
Nahadajem, pavodle infarmacyi śledčych orhanaŭ ad 2 listapada, z zajavaj ab źniknieńni žančyny źviarnuŭsia jaje znajomy. Jon raskazaŭ, što 28 kastryčnika jana na asabistym aŭtamabili pajechała dadomu ŭ Zavodski rajon Minska, paśla čaho pierastała vychodzić na suviaź.
Tady ž śledstva zajaviła, što jość abjektyŭnyja źviestki, jakija śviedčać ab kryminalnym charaktary źniknieńnia žančyny. Padčas ahladu miesca žycharstva i aŭtamabila, što naležaŭ joj, znojdzieny ślady, jakija ŭ sukupnaści ź inšymi sabranymi materyjałami ŭkazvajuć na ŭčynieńnie zabojstva. Była raspačata kryminalnaja sprava na padstavie č. 1 art. 139 KK (zabojstva). Pa padazreńni va ŭčynieńni złačynstva zatrymany mužčyna 1987 hoda naradžeńnia. Ciapier jon znachodzicca pad vartaj.
