U Babrujsku 6 listapada na dom, jaki budavaŭsia, pavaliŭsia viežavy padjomny kran. Paciarpiełych niama.
Jak paviedamili ŭ Mahiloŭskim abłasnym upraŭleńni MNS, infarmacyja ab pierakulvańni viežavaha padjomnaha krana pastupiła ŭ 11.27. «Pierakulvańnie zdaryłasia pry budaŭnictvie žyłoha šmatpaviarchovaha doma. Pry padjomie hruzu kala 1 tony adbyłosia razbureńnie elemientaŭ viežavaha krana kala jaho asnovy ŭ rajonie pavarotnaj placoŭki», — paviedamili ŭ MNS.
Kran nie ŭpaŭ na ziamlu, a abapiorsia na budynak, jaki budujecca, u rajonie dziaviataha paviercha. Heta dało mahčymaść kranaŭščyku pierajści na dach pabudovy, pry hetym jon absalutna nie paciarpieŭ.
0
0
0
0
0
0
